Beaujolais-riders ôfset
Ut Drachten wei is snein in groep minsken yn klassike auto's ôfset nei Frankryk om de Beaujolais primeur op te heljen. De Beaujolais Trophy is de ôfrûne jierren in tradysje wurden. It idee om de jonge reade wyn sels op te heljen út Frankryk waard yn 1996 betocht.
It evenemint is yn de ôfrûne jierren útgroeid ta it grutste rally-evenemint fanút Noard-Nederlân. Der dogge dit jier 160 minsken yn 65 auto's oan mei. Der wurdt ek alle jierren in goed doel oan keppele. Dit jier is dat de berne-ôfdieling fan it brânwûnesintrum fan it Martinisikehûs yn Grins.
