Ljouwerter bern hawwe yn Fryslân grutste kâns op earmoed
Goed tsien prosint fan de bern yn Ljouwert makke yn 2018 kâns op earmoed, hat it Centraal Bureau voor de Statistiek berekkene. It CBS hat sjoen nei it ynkommen fan in húshâlding dêr't de bern yn opgroeie en yn de measte gefallen bestiet dat ynkommen út in útkearing.
De kâns op earmoed leit yn Ljouwert heger as it lanlik trochsneedsifer fan goed acht prosint. Yn Smellingerlân, Harns, Noardeast-Fryslân, Achtkarspelen en Weststellingwerf leit de kâns om it lanlik trochsneedsifer hinne. Yn de oare Fryske gemeenten is de kâns leger.
