Aris begjint bekerstriid yn achtste finale
De basketballers fan Aris begjinne harren striid yn it nasjonale bekertoernoai yn de achtste finale.
Aris spilet yn de Basketball Cup út tsjin de winner fan de wedstriid BS Leiden - Lokomotief (Rijswijk). Dy wedstriid wurdt sneintejûn om 19:00 oere spile. BS Leiden en Lokomotief sitte beide yn de promoasjedifyzje, it op ien nei heechste nivo yn Nederlân.
De wedstriid Leiden/Lokomotief - Aris wurdt 11 of 18 desimber spile.