'Snelheidsduvel' (18) moat rydbewiis nei fjouwer moannen alwer ynleverje
De plysje hat tiisdei it rydbewiis fan in 18-jierrige ynwenner fan De Fryske Marren ynnommen. De man ried fierstente hurd oer it Westein yn Eastersee en waard troch de plysje trappearre.
Op de dyk is sechtich kilometer yn 'e oere tastien, mar de man ried goed 122 kilometer yn 'e oere. De 18-jierrige bestjoerder wie noch mar fjouwer moannen yn besit fan syn rydbewiis, mar moast it papierke alwer ôfstean oan de plysje.