LIVEBLOG: Nyck de Vries wurdt sechsde

Dat kinne we ferwachtsje seit de kommentator fan Eurosport.

We race wer, mei noch twa minuten te gean. Gjinien hat mear in attack mode.

Foaral yn it neidiel fan Stoffel Vandoorne dy't krekt syn attack mode ynsetten hie. Hy is no tredde, Nyck de Vries noch altyd sechsde.

De nûmer 17 Abt is syn noas kwyt, de punt fan syn auto.

Nyck syn Attack Mode is wer út en Nyck bliuwt 6e.

De attack mode helpt, want Nyck komt werom op it sechsde plak. It fiifde plak lokket. Noch 12 minuten te gean.

Mar set no sels de Attack Mode yn. Kin hy wer werom komme?

Syn teamgenoat Vandoorne stiet sels earste, Bird twadde, Lotterer tredde.

Der bart ynienen fan alles. Ek Lotterer giet Nyck de Vries foarby. En Rowland stiet 6e en hat de Attack Mode ynsetten. Foardiel is dat Nyck dy noch brûke kin.

Bird giet Nyck foarby. De Brit set syn Attack Mode goed yn.

Nyck de Vries no dus fjirde.

Fiif koereurs krije in fanboost. Fans meie stimme en de fiif koereurs mei de measte stimmen kinne ekstra kilowatt de oere ynsette foar in pear sekonden.

De earste fjouwer sitte mei noch 20 minuten te gean ticht by-elkoar. Pas tusken de nûmer 4 en 5 is in gat.

De rapste ronde is oant no ta foar Sims. Hy stiet fjirde. De rapste ronde smyt in ekstra punt op.

En wylst we dat skriuwe nimt Pascal Wehrlein de rapste ronde oer. Hy leit 12e yn de race.

En noch 25 minuten te gean yn Saûdy-Arabië. Nyck noch altyd tredde. Sims noch altyd earste en Vandoorne noch altyd twadde.

De oare Nederlanner, Robin Frijns, is fan 12 nei 9 gong.

En dus ek Nyck de Vries. It smyt lykswol neat op. Allinnich de Brit Sam Bird is no fjirde, krekt efter Nyck de Vries.

Mortara tikte Nyck syn auto efkes oan fan efteren. Der is efkes kontakt. Dêrnei sakket Mortara wat nei efteren.

Flink gat no efter Nyck de Vries, dêr't in soad koereurs de Attack Mode brûkt ha. Nyck noch net en dy kin it dus letter noch ynsette.

En noch 35 minuten te gean. It ferskil yn de top trije is lyts. Tusken de nûmer 3 en 4, tusken Nyck de Vries en Mortara, sit hieltyd wol mear as in sekonde, wylst Nyck 0,4 sekonden efter nûmer twa Vandoorne sit.

Hy besocht de pits te heljen, mar dat slagge de Switser net. Noch 22 koereurs oer, want ek Müller is derút.

Dat betsjut dat we ynhelaksjes ferwachtsje kinne. Koereurs kinne tydlik in boost kije, mear fermogen en sa better ynhelje.

Gjin crashes en Nyck nei ien ronde op it tredde plak. Krekt efter syn teamgenoat Vandoorne en mei in gatsje fan twa sekonden op nûmer fjouwer, de Switser Mortara.

Nyck is prima fuort. Nûmer 4 Mortara like him yn de earste bocht hast te passearjen, mar Nyck bliuwt tredde.

...mei de warming-up-ronde. Dêrnei nimme alle riders plak foar de start.

Foar de dúdlikheid: de 24 koereurs ride 45 minuten en ien ronde. Dan is bekend wa't de earste Formule E-wedstriid fan it seizoen wint.

Robin Frijns, de oare Nederlanner, stiet op it 12e plak.

...en dan sille we los mei de earste race. Nyck de Vries begjint dus op posysje 3. De race fynt plak yn de haadstêd fan Saûdy-Arabië.

Nyck de Vries: "We hiene in lyts foardiel dat we yn groep trije en fjouwer sieten, mar we hawwe it goed dien as team. No klearmeitsje foar de race."

Fannemoarn wie de kwalifikaasje en Nyck begjint op de tredde posysje. In knap begjin foar de Fries. Syn ploechgenoat Stoffel van Doorne waard twadde.

Ferline seizoen waard Nyck de Vries kampioen yn de Formule 2. Yn pleats fan in stap nei de Formule 1 waard it Formule E. Wat dizze klasse no krekt ynhâldt, kinst hjir lêze:

Folgje hjir live de earste dei yn de Formule E. Nyck de Vries fan Twellingea rydt dit seizoen foar it earst yn dizze klasse. De earste race is hjoed yn Riyad, de haadstêd fan Saûdy-Arabië. De wedstriid begjint om 13.00 oere en duorret 45 minuten en ien ronde.