Lês hjir hoe't Sinteklaas oankaam yn Fryslân

Op it Saailân is mear plysje en parse oanwêzich as dat der demonstranten binne. Guon taskôgers stekke de middelfinger omheech nei de demonstranten en der soene groepkes yn de stêd wêze dy't poer tsjin de demonstranten binne. De plysje besiket dy minsken út de buert te hâlden. Ek wie der in frou dy't mei swarte smink op in terras njonken it protest sitten gie, sy is troch de plysje fuortstjoerd. Dat waard as provokaasje sjoen. It protest fan Kick Out Zwarte Piet is lykwols freedsum, de demonstranten meie ek gjin megafoan brûke as de minsken fan de yntocht del komme. Der is in grut fak ôfset om it gerjochtsgebou.

Jesse Andriesse fan Kick Out Zwarte Piet leit út wêrom't hy demonstrearret yn Ljouwert.

In stil protest fan de aksjegroep: "Leeuwarden kan het. In 2020 Zwarte Piet-vrij, feest voor ieder kind"

By demonstranten is ek Jesse Andriesse fan Kick Out Zwarte Piet, dêr't Omrop Fryslân freed in petear mei hie oer de demonstraasje.

Op it Saailân binne de easte demonstranten fan aksjegroep Kick Out Zwarte Piet ek oankommen. Sy hawwe in spesjaal fak tawiisd krigen en der binne stekken en minsken fan de plysje om harren te beskermjen.

De earste bern dy't op Sinteklaas wachtsje, steane al tsjin de stekken oan yn de Prinsetún yn Ljouwert. Der is lykwols ek tafersjoch mei kamera's oanwêzich.

De earste Pyten binne al sjoen yn de binnenstêd fan Ljouwert.

De plysje jout yntusken oan ûndersyk te dwaan nei de posters.

Yn de stêd Ljouwert binne posters ferspraat fanwegen de yntocht. Op de poster stiet in ferwizing nei de Blokkearfriezen en de tekst: 'Us Pyt bliuwt swart, ús mienskip wyt.' Der binne ek rasistyske ferwizingen op oanbrocht, lykas in heakkekrús, in ferwizing nei Hitler en twa ûntholle, stereotipe Pytten. De plysje hat al twa kear posters út de Prinsetún wei helle, en der binne ek posters troch brievebussen yn de Oranjewyk smiten en ophongen by ferskate plakken by de rûte del. Der is neat bekend oer wêr't de posters krekt wei komme.