LIVEBLOG: Fryske boeren protestearje op it Malieveld yn Den Haag

01 okt 2019 - 18:00

Mear as trijehûndert trekkers út Fryslân, Grinslân en Drinte rieden tiisdeitemoarn nei Den Haag. Se hawwe de hiele nacht riden om op tiid op it Malieveld oan te kommen. Dêr demonstrearje se tiisdeitemiddei tsjin de stikstofplannen en foar in better lânboubelied. Folgje hjirûnder alles oer it boereprotest yn dit liveblog.

19:50
Fryske flagge op de kop yn Minnesota

Der wiene in soad boeren en oare minsken dy't harren protest uteren troch in Nederlânske of Fryske flagge op de kop te hingjen. Yn de seefeart is sa'n flagge op de kop in teken fan need. It ophingjen fan in flagge barde net inkeld yn Nederlân, mar ek boer Kor Mulder út Aldeboarn dy't no yn Minnesota wennet hat in flagge op de kop opgong by syn buorkerij yn Minnesota. Yn april fan dit jier hat Omrop Fryslân ferskate berjochten oer him en syn soannen skreaun, dy't troch in ôfrinnend fisum net yn Amearika bliuwe meie.

De flagge by Kor Mulder yn Minnesota - Foto: Kor Mulder
19:07
Wêr is der file?

Wolle jo witte wêr't noch krekt file is yn it lân troch de boeren dy't nei hûs ride, sjoch dan op de webside fan de ANWB.

18:04
Fryslân Hjoed oer it protest yn Den Haag
16:41
Fertraging fan bussen út Grins wei

Ferfierder Arriva warskôget dat ek bussen dy't fan de stêd Grins út nei Fryslân ta moatte, te meitsjen hawwe kinne mei fertraging. Dat komt troch in protest by it stasjon.

(advertinsje)
(advertinsje)