Fikingskip yn trije parten fan Snits nei it Fries Museum
In Fikingskip (wytsingskip) yn trije parten fan Snits nei it Fries Museum yn Ljouwert ride: dat is freegjen om problemen. En dat die ek wol bliken moandeitemoarn. It transport fan it skip dat learlingen fan ROC Friese Poort boud hawwe, gong hast hielendal goed.
Learlingen fan ROC Friese Poort wurken de ôfrûne tiid hurd oan in bysûnder projekt, wêrby't se in replika fan in autentyk Fikingskip makken. Moandeitemoarn waard it skip yn trije dielen fan Snits nei it Fries Museum yn Ljouwert brocht. Dêr is it skip in wichtich ûnderdiel fan in tentoanstelling oer de Wytsingen (Fikingen).
Vikingskip op transport nei Fries Museum
Logistike puzzel
It ferfier fan it skip wie noch in flinke logistike puzzel, mei twa frachtweinen en in skip yn trije parten. Dat lêste wie nedich omdat de lift dêr't it skip yn moat, mar fiif meter lang is.
Skea nei falpartij
Doe't in part fan it skip moandeitemoarn by de saneamde 'goederen'-yngong fan it museum nei binnen brocht waard, gong it hast mis. It earste diel foel hurd op 'e grûn. Dat soarge foar wat skea, mar neffens boumaster Bein Brandsma foel it gelokkich allegear wol wat ta.
Tentoanstelling
De tentoanstelling Wij Vikingen set op 19 oktober útein. Uteinlik moat it skip dêrnei ek gewoan farre kinne.
