Jongeren soargje foar oerlêst op skatebaan Feanwâlden
"Wees verstandig en stop dit gedrag", dy oprop docht de plysje Noardeast-Fryslân oan jongeren dy't foar oerlêst soargje op de skatebaan fan Feanwâlden. It giet ûnder oare om fernielingen, it achterlitten fan ôffal, lûdsoerlêst en brânstichting.
Op Instagram kundiget de plysje oan, dat der aktiver optreden wurde sil tsjin de oerlêst. En ek stranger: der wurde bekeuringen oankundige.
Neffens de plysje is de oerlêst op de skatebaan der al in skoftke.