Liveblog
|
7 augustus 2019
LIVEBLOG Freule 2019: Winsum wint nei comeback fan Berltsum
Folgje de Freule yn dit liveblog of by op Omrop Fryslân Radio. De finale stjoere we online live út.
Lêst bywurke: 7 augustus 2019, 19:26
woansdei 7 augustus 2019
18:21
Winsum wint!
Winsum wint nei in spektakulêre comeback foar it earst yn de histoarje de Freule! Lês hjir it ferslach. We slute it liveblog fierder ôf. De reaksjes fynst ek op ús webside en yn de app.
18:13
No 5-5
Berltsum is noch net ferslein hear! Op 6-2 yn it earst komt Hessel Postma de keats net foarby, wêrtroch't Berltsum wer op likense hichte komt. It is 5-5, dus noch ien beslissend earst!
18:06
Winsum op foarsprong
Wat in comeback! Winsum stiet no sels foar: op 6-2 yn it earst slacht Hessel Postma in boppeslach op de opslach fan Thomas Dijkstra. It is no 5-4 foar Winsum, dy't dus noch ien earst nedich ha.
17:59
4-4
Gosse de Haan hat de smaak te pakken: hy rjochtet syn opslaggen allegear op Allard van Wigcheren en dat docht fertuten. Mei in boppeslach fan Hessel Postma wurdt it sels 6-2. Troch in kwea-opslach fan Van Wigcheren wurdt it sels 4-4.
17:52
Spanning is werom: 4-3
Yn it wichtige sânde earst hie Berltsum in skjinne seis foarsprong yn it earst, mar Winsum komt werom oant 6-6. En dan slacht Gosse de Haan in sitbal: we ha wer in partij! It is 4-3.
17:48
4-2 no
Gosse de Haan slacht de bal dik boppe en dêrmei hat Winsum in spul binnen. Berltsum noch wol op foarsprong: 4-2.
17:40
Winsum pakt in earst: 4-1 Berltsum no
Op 4-0 6-6 pakt Winsum in earste buordsje, om't Berltsum de bal út slacht.
17:36
4-0 Berltsum
Thomas Dijkstra makket oant no ta Winsum hielendal ôf. Hy hellet in earst hast hielendal sels binnen foar Berltsum. It is 4-0.
17:33
3-0 Berltsum
Op 6-4 yn it tredde earst slacht Postma de bal wol binnen, mar Thomas Dijkstra retoernearre de bal goed en makke der 3-0 fan.
17:28
2-0 Berltsum
Berltsum begjint de finale sterk. Op de opslach fan Thomas Dijkstra slacht Gosse de Haan de bal wer kwea, by de stân fan 6-2.
17:24
1-0 Berltsum
Berltsum pakt it earste buordsje yn de finale. Op 6-4 sloech Hessel Postma fan Winsum de bal kwea.
17:14
Live sjen?
Live sjen kin ek. Sjoch hjir nei ús livestream.
17:13
Hast los
Berltsum en Winsum steane klear foar it Frysk folksliet en sille dêrnei oan de finale begjinne.
17:04
Noch even wachtsje
We binne yn ôfwachting fan de finale. In livestream dêrfan stjoere we aanst live út op omropfryslan.nl en yn de Omrop-app.
16:48
Winsum ferslacht Grou en is finalist
Grou hat in moaie keatsdei hân, mar Winsum makket der in ein oan: 5-1 6-0. Op dy stân keart Hessel Postma de bal foar de keats.
We krije dus in finale tusken Berltsum en Winsum. De bylden fan de finale stjoere we online live út.
16:46
Winsum hast yn de finale
Op 4-1 en 6-4 slacht Hessel Postma de bal de keats foarby. Syn partoer komt dêrmei op 5-1 en dêrmei ha se noch ien buordsje nedich om de finale te berikken.
16:37
Winsum rint út
Winsum pakt op 'e nij in buordsje: se fersulverje de 6-4 yn it earst en komme dêrmei op 4-1.
16:30
Winsum op foarsprong
It stiet op it stuit 3-1 foar Winsum yn de heale finale tsjin Grou. Beide doarpen ha de Freule noch noait wûn. De oare finalist, Berltsum, hat 'm twa kear wûn: yn 1941 en yn 1994.
16:20
Grou komt werom
Winsum hat it earste earst yn de heale finale wûn mei 6-2, mar Grou - de ferrassing fan de dei - pakte dêrnei mei deselde sifers it twadde buordsje. Yn lykwicht dus: 1-1.
16:12
Winsum begjint sterk
Winsum begjint sterk yn de heale finale tsjin Grou. Yn it earste earst stiet it 6-2.
16:05
Berltsum finalist
Berltsum is de earste finalist. Tsjin Sint-Jabik, dat earder noch foar in ferrassing soarge tsjin Dronryp, winne Allard van Wigcheren, Thomas Dijkstra en Rink Rutmer Sterk mei 5-1 en 6-6. Op dy stân sloech Thomas Dijkstra de opslach fan Jesse Kroondijk boppe.
Grou en Winsum stride yn de heale finale om it oare finaleplakje.
Fjirde list
37. Grou | 41. Wytmarsum | 5-1 6-6 |
6. Winsum | 13. Baard | 5-4 6-4 |
24. Berltsum | 31. Sint-Jabik | 5-1 6-6 |
15:41
Winsum troch nei spannende wedstriid
Winsum is ek troch nei de heale finale, wêryn't se Grou treffe. It wie wol in spannende wedstriid. Winsum kaam mei 5-3 foar, mar Baard keatste him de hiele tiid werom. De opslach rûn net iens geweldich: Geert Reitsma en Bauke Folkerts wikselen wat om. Op 5-4 en 6-4 makke Winsum mei in boppeslach dochs dien wurk yn de striid tusken de twa buordoarpen.
Berltsum - Sint-Jabik sit noch yn de begjinfaze: 1-1.
15:25
Grou wint
Grou wint mei oertsjûging fan Wytmarsum en is it earste partoer dat him pleatst foar de heale finale: 5-1 6-6.
Winsum stiet mei 4-3 foar tsjin Baard.
15:20
Grou op wei nei heale finale
Grou is hurd op wei nei de heale finale. Se steane mei 5-2 foar tsjin Wytmarsum, dat moai yn it lot sit, mar no tekoart komt tsjin Grou.
By Winsum - Baard is it spannender. Op 2-2 6-6 sloech Geert Reitsma fan Baard heech efteryn op. Hessel Postma liet de bal falle en dat wie in goede kar: dy foel in pear sintimeter kwea. Dat betsjut 3-2 foar Winsum.
14:57
Tredde list út: Sint-Jabik troch
Sint-Jabik is it lêste partoer dat him pleatst foar de fjirde list. Nei in wiffe begjinfaze tsjin Seisbierrum-Pitersbierrum komme se goed werom: winst mei 5-3 6-4. Benammen Jesse Kroon is goed oan de opslach. Sint-Jabik keatst aanst tsjin Berltsum.
Tredde list
39. Akkrum | 41. Wytmarsum | 5-5 2-6 |
6. Winsum | 9. Spannum | 5-0 6-0 |
13. Baard | 15. Ternaard | 5-2 6-2 |
22. Jellum-Bears | 24. Berltsum | 2-5 6-6 |
27. Seisbierrum-Pitersbierrum | 31. Sint-Jabik | 3-5 4-6 |
37. Grou steand nûmer |
14:45
Berltsum wint ek
Berltsum wint mei 5-2 en 6-6 fan Jellum-Bears. It wie spannender as de útslach fermoeden docht. In protte earsten giene oant 6-6, mar dy buordsjes giene allegear nei Berltsum, benammen troch goed opslaan fan Thomas Dijkstra. Hy hat de foar-bêst-opslach ek oernommen.
Sint-Jabik like ek op wei nei winst. Sy stiene mei 4-2 en 6-4 foar tsjin Seisbierrum-Pitersbierru, mar dy kamen werom en pakten it earst dochs noch. No is it 4-3, noch wol yn it foardiel fan Sint-Jabik.
14:22
Baard troch
Baard is ek troch nei de fjirde list: yn de 'alliteraasje'-moeting koe Ternaard even knap mei, mar letter kamen se der net mear oan te pas. Baard wint mei 5-2 en 6-2 en moat aanst op de fjirde list tsjin Winsum.
De oare twa partijen op de tredde list binne noch dwaande. Berltsum hat in lytse foarsprong tsjin Jellum-Bears (3-2), Seisbierrum-Pitersbierrum tsjin Sint-Jabik krekt sa (2-1).
12:35
Wytmarsum wint fan twatal
Wytmarsum hie alle muoite mei it twatal fan Akkrum, Hedser en Heiko Zijlstra. It waard 3-0 foar Wytmarsum, Akkrum kaam werom oant 3-3. Dêrnei rûn Wytmarsum wer út nei 5-3, mar op 'e nij kaam Akkrum werom oant 5 gelyk.. Nei in ûngelokkich begjin oan it lêste earst wie it ferset dochs brutsen: Wytmarsum wint mei 5-5 en 6-2 en spilet aanst op de fjirde list tsjin Grou.
13:41
Twadde list klear
It hat even duorre, benammen troch de lange, lêste wedstriid, mar de twadde list is no ek út. Grou wint mei 5-4 6-4 fan Menaam. Grou is direkt wis fan de fjirde list, want se ha aanst earst in steand nûmer op de tredde list.
Twadde list
41. Wytmarsum | 1. Ljouwert | 5-2 6-0 |
4. Nijewier-Mitselwier-Easternijtsjerk | 6. Winsum | 0-5 4-6 |
8. Gaast-Ferwâlde | 9. Spannum | 2-5 0-6 |
12. Arum | 13. Baard | 2-5 0-6 |
15. Ternaard | 17. Minnertsgea | 5-3 6-6 |
20. Raerd | 22. Jellum-Bears | 3-5 2-6 |
24. Berltsum | 25. Kimswert | 5-2 6-6 |
27. Seisbierrum-Pitersbierrum | 30. Ferwert | 5-1 6-0 |
31. Sint-Jabik | 34. Harns | 5-0 6-6 |
36. Menaam | 37. Grou | 4-5 4-6 |
39. Akkrum steand nûmer |
13:23
Winsum al yn de prizen
Winsum is it earste partoer dat yn de prizen falt. Jelke Greidanus, Hessel Postma en Gosse de Haan toanden gjin genade foar Spannum, want dy giene der mei in skjinne telegraaf ôf: 5-0 6-0. Dêrmei is Winsum al troch nei de fjirde list.
13:11
Grou en Menaam noch dwaande
Noch ien wedstriid op de twadde list is noch net dien. Grou spilet tsjin Menaam. In wichtige wedstriid, want de winner hat op de tredde list in steand nûmer. It stiet 4-1 foar Grou.
12:54
Seisbierrum-Pietersbierrum wint
Rein van der Walt, Alwin Boschma en Marten Jansen fan Seisbierrum-Pitersbierrum binne ek troch nei de tredde list. Se winne mei 5-1 6-0 fan Ferwert.
Op de twadde list is allinnich Menaam - Grou noch oan de gong. De earste wedstriden op de tredde list binne yntusken ek úteinset.
12:45
Berltsum set troch
Berltsum is ien fan de topfavoriten. Dat litte se oant no ta ek sjen. Op de earste list wûnen se al mei skjinne fiif earsten fan Ingelum en niiskrekt fersloegen se Kimswert. Dat partoer waard ek ta de favoriten rekkene, mar pakte mar in spul: 5-2 6-6.
Ek Sint-Jabik, dat yn de earste omloop foar in ferrassing soarge tsjin Dronryp, is wer in omloop fierder. No winne se fan Harns: 5-0 6-6.
12:16
Hjir giet it hjoed om
12:10
De Omrop is derby!
Omrop Fryslân is der hjoed fansels by. Op de radio binne we der al fan 9.00 oere ôf en bylden fan de finale stjoere we live úop Omropfryslan.nl en de Omrop-app.
11:57
Earste partijen twadde list út
De earste partoeren binne al wer troch nei de tredde list: Wytmarsum, Winsum, Spannum en Baard. Akkrum ek fansels, dy ha in steand nûmer op de twadde list.
Op de foto hjirûnder: Ferwert (30) tsjin Seisbierrum-Pietersbierrum (27).
11:18
Utslaggen 1e list
De earste ferrassingen binne in feit. Raerd wint mei 5-4 6-6 fan De Hommerts-Jutryp. Dy lêsten wiene rekkene ta de favoriten, mei ûnder oare Bert en Aizo Veltman yn it partoer, de soannen fan âld-PC-winner Coos Veltman.
Topfavoryt Dronryp ferlear fan Sint-Jabik. Dronryp wûn dit jier it NK en pakte yn totaal fjouwer partijen, mar gie no mei alles oan 'e hang ûnderút. Mark Minnesma sloech de bal op kwea út.
Reduzum leit der ek út. Deselde trije jonges dy't ferline jier noch de finale hellen, Jesper Tolsma, Melle Fopma en Jehannes Brinksma, ferlearen fan in oare favoryt: 5-3 6-6 foar Kimswert.
Eksmoarre waard dizze kear net ta de favoriten rekkene, mar helle foarich jier noch wol de tredde priis. Fan dat partoer die no allinnich noch Christiaan Stremler mei. Se ha ferlern fan Spannum.
Ek it thússpyljende partoer Wommels leit derút. Sy ferlearen mei 5-2 6-6 fan Minnertsgea.
Freulepartij 2019
1. Ljouwert | 2. Balk | 5-1 6-2 |
3. Folsgeare | 4. Nijewier-Mitselwier-Easternijtsjerk | 0-5 2-6 |
5. Stiens | 6. Winsum | 4-5 4-6 |
7. Tsjom | 8. Gaast/Ferwâlde | 4-5 2-6 |
9. Spannum | 10. Eksmoarre | 5-3 6-2 |
11. Makkum | 12. Arum | 3-5 6-6 |
13. Baard | 14. Reahûs-Turns | 5-1 6-4 |
15. Ternaard | 16. Goaiïngea | 5-3 6-0 |
17. Minnertsgea | 18. Wommels | 5-2 6-6 |
19. De Hommerts-Jutryp | 20. Raerd | 4-5 6-6 |
21. Jelsum-Koarnjum-Britsum | 22. Jellum-Bears | 2-5 6-6 |
23. Ingelum | 24. Berltsum | 0-5 6-6 |
25. Kimswert | 26. Reduzum | 5-3 6-6 |
27. Seisbierrum-Pitersbierrum | 28. Dokkum | 5-4 6-6 |
29. Boalsert | 30. Ferwert | 4-5 6-6 |
31. Sint-Jabik | 32. Dronryp | 5-5 6-6 |
33. Lollum-Waaksens | 34. Harns | 2-5 4-6 |
35. Moarre-Ljussens | 36. Menaam | 5-5 6-6 |
37. Grou | 38. Bitgum | 5-3 6-2 |
39. Akkrum | 40. Hantum | 5-1 6-6 |
41. Wytmarsum |
10:07
Dikke bui
Dikke bui yn Wommels! En ús ferslachjouwer Hijlko Broersma hie earst syn reinjas noch yn de auto lizzen, mar hy is yntusken ek foarsjoen.
09:35
De oprjochter en nammejouwer
De oprjochter en nammejouwer fan de Freulepartij is Freule Clara Jacoba baronesse De Vos van Steenwijk. Sy waard 150 jier lyn berne en hat in soad betsjut foar it doarp Wommels, seit âld-foarsitter Tinus van der Velde. "Se fielde har ta de keatssport oanlutsen, mar se hat ek mear ta stân brocht. De wenningbou wie ridlik earmoedich. Sy hat hjir trije blokken fan fjouwer wentsjes delsette litten, flakby it keatsfjild."
09:09
Tips fan de ferslachjouwers
De twa keatsferslachjouwers op de radio hjoed binne Geert van Tuinen en Hijlko Broersma. Sy komme ta deselde prognoaze yn de finale: Winsum en Dronryp. Dy twa stiene yn juny ek al yn de finale fan it NK. Doe wûn Dronryp.
Oare kânshawwers neffens Geert van Tuinen: De Hommerts-Jutryp, Berltsum, Kimswert en Reduzum.
09:02
We binne los!
08:58
Net sûnder frijwilligers
In keatswedstriid as de Freule kin net bestean sûnder frijwilligers. Ferslachjouwer Froukje Sijtsma prate mei twa fan se, Teije Osinga en Theunis Boonstra.
08:45
De boargemaster is derby
08:40
Winners fan ferline jier
Ferslachjouwer Froukje Sijtsma is al yn Wommels. Dêr prate se mei de winners fan ferline jier, Eanjum. Dat doarp docht dit jier net mei, mar se meie wol yn de auto troch Wommels. Froukje frege se ek nei wa't de favoriten fan dit jier binne. Dêroer binne se ridlik ienriedich: Berltsum.
08:18
Ferline jier
Gerwin Dijkstra, Gerrit Dijkstra en Sytse Koree soargen ferline jier foar in primeur. Sy wûnen foar it earst de Freule foar Eanjum. Se fersloegen Reduzum mei 5-1 en 6-4 yn de finale. Dat gie sa:
08:10
De Freule
De Freuledei set aanst om 8.30 oere útein mei de tradysjonele aubade by it stânbyld fan Freule Clara de Vos van Steenwijk. Om 9.00 oere wurdt de earste bal slein.