Bergsma, Hiemstra en Wassenaar winne de 166e PC yn Frjentsjer

31 jul 2019 - 20:25

Marten Bergsma, Renze Pieter Hiemstra en Hans Wassenaar hawwe woansdeitejûn de 166e edysje fan de PC wûn. Op it Sjûkelân yn Frjentsjer wiene sy yn de finale ienfâldich mei 5-2 6-4 te sterk foar favoriten Gert-Anne van der Bos, Taeke Triemstra en Tjisse Steenstra. It is foar Bergsma de earste kear dat hy de PC wint.

Foto: Omrop Fryslân

Bergsma-en-dy makken earder rap dien wurk yn de heale finale. Se wûnen mei 5-1 6-6 fan Menno van Zwieten, Kees van der Schoot en Erwin Zijlstra. Ek de partij dêrfoar yn de twadde omloop wie gau klear; it waard 5-2 6-0 tsjin Johannes van der Veen, Sip Jaap Bos en Tsjerk Elsinga.

Yn de earste partij hie it partoer fan Bergsma it yn earste ynstânsje noch dreech, mei 5-3 6-2 tsjin Johan Diertens, Kevin Jordi Hiemstra en Lennart Adema.

Folgje alles oer dizze edysje fan de PC yn Frjentsjer yn ús liveblog.

(advertinsje)
(advertinsje)