LIVEBLOG: Maarten is yn Ljouwert oankaam!

Maarten giet nei it poadium. Dat slagget him op eigen krêft. Hy sprekt it publyk ta. "Het was een lijdensweg, maar ik heb ervan genoten, dat komt door jullie enorme enthousiasme." Hy wapperet mei de Fryske flagge en giet wer fan it poadium ôf.

Maarten van der Weijden en Reinier Paping meitsje it bedrach bekend. It is 3.910.763,11 euro. It is in tuskenstân.

Mei de Fryske flagge om de skouders giet er nei de ambulânse dêr't er neisjoen wurdt.

Maarten is it wetter út en krijt even stipe by it stean, de hân omheech! De tút fan Daisy en syn twa famkes binne der ek by. Hy giet nei syn âlden, even in krûp. Hy sjocht der reedlik fit út en krijt de lêste stimpel. It alfde en lêste krúske fan Ljoiuwert hat er binnen, Hy kin sels rinne.

Maarten van der Weijden hat it helle!

De famylje stiet klear om Maarten op te heinen. Der binne tsientallen boatsjes. Lange halen makket Maarten noch oan de ein.

Meiswimmers dûke wer it wetter yn, alle 80. Se foarmje in earehage.

Mem Janneke fynt it spannend om har soan gau te sjen. Se wie net by de tocht, mar folge it fia de media. "Ik zag hem bij Bartlehiem zwemmen en dacht dit gaat niet goed. Hij haalt het niet, ik zag aan zijn slag dat hij moe was en hij moest nog een eind."

Van vorig jaar heeft hij veel geleerd en daarom gaat het nu goed, qua voeding, pak en slapen. En Maarten houdt van warmte en het was natuurlijk mooi weer. En van alle mensen aan de kant krijgt hij een enorme kick. Hij zal het de de laatste kilometers echt niet leuk hebben gehad, maar hij gaat het halen. Al moet hij op zijn rug."

Maarten van der Weijden is no toch echt dwaande mei syn lêste kilometers fan de Swimalvestêdetocht fan hast 200 kilometer.

By de finish steane noch mear kameraploegen en ek de âlden fan Maarten binne by de Grutte Wielen oankaam.

"De tocht is enorm belangrijk. Maarten heeft het zelf ook gezegd: hij zwemt voor kankeronderzoek. Iedereen werkt daar aan mee. Dat onderzoek is echt nodig om doorbraken te forceren", fertelt Sigrid Attema fan KWF. "KWF heeft acht projecten mogen leveren aan de Elfstedentocht. Eén project daarvan is darmkanker. We willen onderzoeken of het echt nodig is dat de tweede stap, met chemotherapie ook echt nodig is. Die chemo is zwaar, je wordt er ontzettend moe van. Sommige onderzoekers denken dat je uit een buisje bloed genoeg informatie kunt halen of je de chemo nodig hebt. Dat onderzoek kost een aantal jaar en kost bijvoorbeeld ruim een miljoen euro."

Se is wiis mei it al ophelle jild, 2,7 miljoen. "Ik ben blij met ieder bedrag. Zo'n tussenstand is al een enorm bedrag. Iedere euro wordt aan kankeronderzoek besteed. Iedere euro helpt. We zijn altijd dankbaar."

In hiele armada fan skippen en boatsjes folget Maarten op syn lêste stik, op wei nei Ljouwert.

By de tegeltsjebrêge yn Gytsjerk binne minsken hielendal út de skroeven as Maarten delkomt. Hy hat sels de krêft noch om te swaaien nei it publyk dat manmachtich oan wjerskanten stiet.

Reinier Paping, de winner fan de Alvestêdetocht fan 1963, is by de finish yn Ljouwert. De ferwachting is dat hy mei Maarten van der Weijden op in reade knop drukke sil om it einbedrach bekend te meitsjen.

By de brêge yn Gytsjerk steane wol tûzenen minsken. It is 'frysktastysk' neffens ien fan de minsken. Guon steane der al fan 12.30 oere ôf. Oaren sjogge Maarten foar de fjirde kear. Hy moat in skuondoaze fol krúskes ha, seit ien fan de oanwêzigen. Oan wjerskanten dogge de minsken de wave. It publyk sil him nei Ljouwert taroppe, hy hoecht amper mear te swimmen.

Omrop Fryslân bringt dizze moandeitejûn nei de finish in wiidweidige kompilaasje fan syn Swimalvestêdetocht fan in healoere. Dy is te sjen op telefyzje en op ynternet.

De tiden binne no sa: oankomst 18.30 oere by de Tegeltsjebrêge yn Gytsjerk en 19.40 oere yn Ljouwert.

Op it festivalterrein binne optredens ûnder oare fan Piter Wilkens en Vangrail dy't Space Oddity fan David Bowie bringt. It nûmer dêr't Maarten freedtejûn mei start is. Ek wurdt de tuskenstân bekend makke. Mooglik lit Maarten him ek noch sjen, dat hinget derfan ôf hoe't er út it wetter komt.

Twa meiswimmers Jan Waling en Anneke ha we folge by Omrop Fryslân. Se binne beide yn Ljouwert oankaam. "It giet hartstikke bêst" seit Anneke van der Zwaag. "Ik ha genoaten dizze lêste dei. Myn earms fiele goed, it gie lekker. It wei geweldich, der wienen safolle minsken, foaral yn Dokkum. Dat wie it moaist, der wienen in soad bekenden. Minsken stienen der yn rigen. It wie geweldich! It wie ûnferjitlik."

"Ik had het niet willen missen" seit húsdokter Jan Waling Huisman. "Het was een feest, veel blijdschap. Dokkum was prachtig, daar explodeerde het. Maar er was ook stress. Dan moesten we ineens weer in de auto naar een volgende plek. Mijn gezin is er nu wel klaar mee denk ik."

Minister Bruno Bruins sil in stik op in boat meifarre. "De laatste kilometers ga ik hem tegemoet varen." Hy is bot ûnder de yndruk fan Maarten. "Het is niet normaal wat hij doet. Het gaat al maar door, een heel weekend lang. Het is bovenmenselijk, superknap." Ek fynt er it doel moai. "Hij haalt geld op voor onderzoek naar kankerbestrijding, concrete projecten, maar er is ook aandacht voor de verhalen van de mensen en het brengt veel emotie. Het ontroert me ook."

Op de folchboat sette se de wave by Aldtsjerk yn en dat wurdt oernommen troch it publyk oan de kant. Maarten wurdt droegen troch it publyk.

Alle meiswimmers binne feilich yn Ljouwert oankaam. Arjen de Boer prate mei twa fan har. "Het was een hele beleving, je wordt uitgedaagd. Het was zo fantastisch, jammer dat het voorbij is. Het laatste stuk hebben we zonder Maarten gedaan, er as minder publiek langs de kant, dat is wel jammer want dat doet superveel met je."

Se ha it idee dat it wol goed mei Maarten giet. "Er wordt goed op hem gelet. Het is een megaprestatie. We hebben zelf elf keer twee kilometer gezwommen. Je voelt elk spiertje in je hele lijf, maar verder voelen we ons supergoed."

Meiswimmer Anneke van der Zwaag, dy't we yn de oanrin ek folge ha, har bern steane mei in spandoek by de Grutte Wielen. It like derop dat se net nei binnen mochten, mar op it lêste momint dochs wol.

Foar de Grutte Wielen as finishplak hat de organisaasje keazen fanwege it heroyske karakter nei de histoaryske winst yn 1963 fan Reinier Paping.

Famylje, buddies en pommeranten hearre by de minsken dy't de finish fan Maarten sjen kinne. Publyk baalt derfan.

Meiswimmers swimme de lêste etappe foar Maarten. Earder wie dat hieltyd oarsom en mochten se Maarten net ynhelje. It idee kaam út de groep sels. Se binne al om 15.00 oere fuortgien, de stadichste swimmers mochten as earste fuort. Se komme dus te betiid yn Ljouwert oan. Se stappe út it wetter en as Maarten dan by de finish komt, springe de 80 meiswimmers wer it wetter yn om in earehage te foarmjen krekt as by de start.

De folchboaten fan Maarten kinne net ûnder de skansearre brêge fan Aldtsjerk troch nei in resinte botsing doe't in frachtwein de boel stikken ried. Mei in 70-tonner lûke se de brêge omheech, want omswimme wie gjin opsje. "Der lizze kettingen en dan kinne we sa yn aksje komme. Dat omheechlûken kin binnen fiif minuten beslikke wêze. We krije in sinjaal as it safier is", seit in meiwurker fan de aksje.

It earste stek by de Grutte Wielen is iepengien foar it publyk. Der stiet in poadium en in grut skerm. It twadde stek bliuwt ticht foar dizze groep en is inkeld foar útnûge gasten.

Yn Aldtsjerk is it ek al drok. By kafee Moarkswâl ha se besletten om tsien prosint fan de dei-opbringst oan de Maarten van der Weiden Foundation oer te meitsjen. De kroechbaas neamt it in memorabele dei. "We kinne it wol 'Maarten-moandei' neame om alle jierren te betinken."

Nei in botsing lêsten kin de brêge net mear iepen. Dêrom tilt in kraan de brêge omheech.

It is al smoardrok by de Grutte Wielen yn Ljouwert. In gaos, kinst wol sizze.

Arjen de Boer is op it plak fan de finish. Dêr is in reade loper en in finishbôge. Ek stiet der in brankaar klear en in ambulânse om Maarten op te fangen nei syn meunsterswimtocht. Ek it Steatejacht leit der, dus de kommissaris fan de Kening, Arno Brok, sil ek by de finish wêze. Fansels stiet der ek al in soad media klear.

De 'reus' hat Bartlehiem hân. Ek dêr stienen in hiel soad minsken om him oan te moedigjen. Ek hat er wer wat dronken, dat docht er om de tweintich minuten.

Der binne nije trochkomsttiden: 15.22 oere yn Bartlehiem, 18.17 oere by it Alvestêdebrechje (tegeltsjebrêge) en 19.23 oere yn Ljouwert. Dat is berekkene op in swimsnelheid fan 2,7 kilometer yn de oere.

Pas om 17.00 oere geane de stekken by it finishterrein iepen. Minsken steane der no al in skoft yn de gleone sinne. De plysje jout de suggestje om it skaad op te sykjen. Net elk is te sprekken oer dit plak. Hieltyd wienen minsken lâns de rûte en no wurde se by de finish keard. Dat snappe se net en ek net dat dit net earder kommunisearre is.

De finish fan Maarten van der Weijden is dizze moandeitejûn foar it publyk te folgjen op in grut skerm. It 'gewoane' publyk kin net oan de râne fan it wetter stean om te sjen hoe't de swimmer syn lêste stimpel krijt. Der binne twa zônes foar taskôgers, mar dêr meie allinne minsken dy't dêr foar útnûge binne komme.

Maarten hat in healoerke skoft hân, mar no swimt er wer. Yn Bartlehiem steane in hiel soad minsken al op syn komst te wachtsjen. Hy hat yn it skoft even wat iten hân. Dat bestie út risotto mei in ekstra folde kipkerry. De kok komt út Geleen en neffens him is Maarten in goede iter. It team jout oan wannear't er skoft hâldt en dan komt it iten nei him ta op in soarte fan driuwend tsjinblêd. De kok is tige te sprekken oer de Friezen. "Ze zijn helemaal niet stug, maar allemaal schatten!" Planning is no dat er 15.22 oere oankomt yn Bartlehiem.

Der is in tuskenstân bekend makke fan it jild dat Maarten van der Weijden ophellet mei syn Swimalvestêdetocht. Dat is op it stuit 2,7 miljoen euro. Dat is mear as ferline jier op dat momint. It jild giet nei KWF Kankerbestrijding.

Minister Bruno Bruins fan Sport komt as fertsjintwurdiger fan it kabinet. Hy sil Maarten ynhelje by de finish by de Grutte Wielen. De ferwachte oankomsttiid is no 18.50 oere.

No't de ein yn sicht is foar Maarten, komt de fraach boppedriuwen: wa sil him by de finish opfange? Guon minsken fine dat kening Willem-Alexander dêr stean moatte soe... Of soe minister-presidint Mark Rutte der wêze?

Ferslachjouwer Auke Zeldenrust naam dit 'kykje' fan Maarten flakby Burdaard.

Ferslachjouwer Aukje de Hoop praat yn Bartlehiem mei Daisy, de frou fan Maarten van der Weijden. "Het gaat mentaal veel beter met Maarten deze editie, dan vorig jaar. Het was voor ons als gezin een heel bijzonder moment in Burdaard, daar waar de tocht vorig jaar stopte, ging Maarten nu wel door. Daar heeft Maarten ook van onze twee dochtertjes stempeltjes gekregen." Daisy seach dêr ek foar it earst it keunstwurk foar Maarten. "Prachtig!"

De learlingen fan juf Gerbrich Talsma fan basisskoalle de Wynbrekker yn Eastersee meie hjoed yn de klasse sjen hoe't it giet mei de swimtocht fan Maarten van der Weijden. Of soenen se der fan juf ek rekkensomkes by krije?

Omrop Fryslân krijt fan tsientallen minsken de fraach hoe't se jild oermeitsje kinne nei de Maarten van der Weijden Foundation. Dêrom hjir nochris it rekkenûmer: NL70 RABO 0321549333. Mear ynformaasje ek op de webside fan Maarten: https://www.11stedenzwemtocht.nl/index/

Want mocht ien brêge net mear ticht kinne, dan hat it doarp in probleem. Lokkich hat de brêgewipper mar ien minút nedich om de brêge yn it doarp omheech te krijen at de brêge oer de grutte dyk wer omleech is.

It begeliedingsteam fan Maarten hat om 12 oere hinne wer nije ynformaasje jûn oer de nijste oankomsttiden fan Maarten van der Weijden. Yn tsjinstelling ta eardere berjochten dat Maarten mooglik 2,5 oere earder oankomme soe, wurdt de finishtiid no dochs wer oanpast. De nije ferwachte oankomsttiden binne:

13.20 Burdaard
14.26 Bartlehiem
17.30 Tegeltsjesbrêge Gytsjerk
18.36 Ljouwert, finish Grutte Wielen

De gemiddelde swimsnelheid fan Maarten is 2,7 kilometer yn de oere.

Ferslachjouwer Arjen Bosselaar fan Omrop Fryslân seach dizze opfallende foto by de brêge fan Burdaard ;)

Hûnderten minsken steane by de brêge by Klaarkamp om Maarten oan te moedigen. Se klappe en roppe manmachtich. Se komme der spesjaal foar. In freoneploech út Hoorn wol de swimmer ek sjen. No op wei nei Burdaard!

Easternijtsjerk hat doarpsfeest, dus dêrom binne in pear 'dronken dropkes' nei de Dokkumer Ie tariden mei harren feestwein, ofwol harren drankoargel, om Maarten oan te moedigjen. En om jild yn te sammeljen foar it goede doel.

Riedslid Aant Jelle Soepboer fan gemeente Noardeast-Fryslân is bot oandien troch dizze aksje, skriuwt er op syn Facebookside: "k ha altyd pleitte foar de sosjale funksje fan de doarpsfeesten en de optochten en no krij ik hjoed dit filmke mei in lyts berjochtsje dat my yn de siel rekket. De jongerein fan Nijtsjerk ha mei har prachtige drankoargel juster in stik oargelmuzyk fersoarge foar de tsjerketsjinst, op fersyk fan de dûmnje. Nei de tiid rekken hja oan de praat oer dy mislike rare sykte kanker. Dat hja besletten hjoed lâns de feart te stean en it Frysk folksliet te spyljen foar Maarten, minsken kinne op de wein om Maarten swimmen te sjen en foar in lytse fergoeding kin men ek noch in ferske oanfreechje. As klap op de fjoerpylk wurdt de wein FERKOCHT en AL IT JILD dat mei de hiele aksje fertsjinne wurdt sil te goede komme oan kankerûndersyk."

It begeliedingsteam fan Maarten hat om 11 oere hinne wer nije ynformaasje jûn oer de nijste oankomsttiden fan Maarten van der Weijden. Yn tsjinstelling ta eardere berjochten dat Maarten mooglik 2,5 oere earder oankomme soe, wurdt de finishtiid no dochs wer oanpast. De nije ferwachte oankomsttiden binne:

13.26 Burdaard
14.32 Bartlehiem
17.36 Tegeltsjesbrêge Gytsjerk
18.42 Ljouwert, finish Grutte Wielen

De gemiddelde swimsnelheid fan Maarten is 2,7 kilometer yn de oere.

Fan 'e moarn om 4 oere krige Maarten in hearlik pantsje Mi, doe om 9 oere in farsk hapke simmersoerkoal. Maarten mei net kleie oer syn 'natjes en droogjes' ûnderweis. De kulinêre hapkes dy't er yn it wetter takrijt, wurde klearmakke troch in kok út Limboarch. En wat der aanst op it menu stiet foar Maarten? In lekkere risotto mei keallefleis.

Ek oan it Jaachpaad oan de Dokkumer Ie yn de buert fan Raard stean minsken om te klappen foar Maarten van der Weijden. Oan de oare kant fan it wetter stiet de pleats fan boer Gosse Hiemstra. Ek hjir stean in hantsjefol minksen, ûnder oaren Andries Nieuwenhuis, en in emosjonele Alie de Haan fan Spannum. Foarich jier folge se him ek al. Ferslachjouwer Bauke Deelstra praat mei beiden en sjocht hoe't Maarten syn tocht ferfolget nei Burdaard (yn 'e buert fan Sibrandahûs).

Maarten hat syn tsiende stimpel yn ûntfangst naam en nei in dikke tút fan syn fammen ferlit er Dokkum wer.

Under it tasjend each fan in dolentûsjast Dokkum rikt boargemaster Hayo Apotheker de tsiende stimpel út oan Maarten by de stimpelpost yn Dokkum.

De learlingen fan it Dockinga College kinne tsjûge wêze fan Maarten yn Dokkum. De skoalle skriuwt op de webside: "Uiteraard willen we de leerlingen niet onthouden dat we met zijn allen Maarten kunnen aanmoedigen. Op dit moment is het niet bekend hoe laat Maarten in Dokkum aankomt maar weten we wel dat hij voor op schema ligt. Het is op dit moment de bedoeling dat leerlingen bij aanvang van les 1 zich melden in het lokaal volgens hun rooster. We gaan daarna met zijn allen Maarten aanmoedigen bij de brug aan de Rondweg, in de buurt van de Lidl."

Alvestêdeswimmer Maarten van der Weijden is mooglik om 17.00 oere al yn Ljouwert by de finish by de Grote Wielen. Dat is twa-en-in-heal oere earder as de planning. Dat meldt it begeliedingsteam fan Maarten oan Omrop Fryslân. Moandeitemoarn betiid is hy nei in pear oerkes sliep wer úteinset mei syn swimtocht. Maarten hat noch in lytse tritich kilometer foar de boech. Op it stuit swimt er rjochting Dokkum, dêr't ynwenners fan de stêd en ek oare belangstellenden Maarten al stean op te wachtsjen.

Kollumnist Nynke van der Zee lies fan 'e moarn har kollum 'Maartenmoe': "Noch in pear oeren swimmen en hy hat it flikt! Maarten van der Weijden docht wat noch nea ien dien hat: de Alvestêdetocht swimmend folbringe. Hast hiel Nederlân folget 'm online of fia ferslach op radio en telefyzje. Ek wy sitte der hjir by de Omrop boppe-op en hâlde fan minút oant minút by wêr't Maarten is en hoe't it mei him giet. En dat alles foar it goeie doel: jild foar mear ûndersyk nei kanker. Mar by guon minsken smyt dizze aksje in oare klacht op: de saneamde 'Maartenmoeheid'. In hiel hurdnekkich syndroom..."

Op Twitter wurdt foarsteld om de keninklike famylje út te nûgjen om Maarten yn te heljen as er oankomt yn Ljouwert. Wol in goed idee!

Dêr hat er in spesjale spesjale sliepcoach foar. Maarten hat fannacht trije oeren slept en dat is goed, neffens syn sliepcoach:

Maarten ferfolget syn tocht op nei Dokkum en ûndertusken stiet ferlachjouwer Bauke Deelstra op in boat by it lêste hûs fan Raerd. Dêr wachtet de famylje Pranger op de trochkomst fan Maarten. Se sille flink raze om him wat ekstra enerzjy te jaan.

Robien en Phileine, de beide dochters fan Maarten van der Weijden, binne mar wat grutsk op harren heit. It âldste famke is djip ûnder de yndruk fan alle kamera's dy't der de hiele dei by binne. "De camera's vind ik zo mooi", fertelde se.

Ferline jier moast Maarten opjaan yn Burdaard. Ferslachjouwer Bauke Deelstra wie der by doe't Maarten fan 'e moarn op it plak dêr't er ferline jier út it wetter kaam in ekstra stimpel krige fan syn beide dochters.

Yn Dokkum set om 08.30 oere it programma útein. Yn Dokkum wurdt jild ophelle foar ûndersyk nei nije terapieën foar rhabdomïde-tumoaren mei help fan in nij modelsysteem.

Wolkom op dizze lêste dei fan Maarten van der Weijden syn Swimalvestêdetocht. Maarten hat dizze nacht goed trije oeren slept. Dêrnei wie der in koarte ûnderbrekking om't syn pak net goed siet, mar hy is yntusken Bartlethiem foarby en op wei nei Burdaard. Hy hat yn totaal 158 kilometer ôflein. Oer in oerke wurdt Maarten ferwachte yn Burdaard.