Triatleet Stefan van der Pal is der wis fan: Maarten hellet it

Triatleet Van der Pal hat de Alvestêdetocht yn 2011 ek dien yn estafettefoarm mei fjouwer kollega-triatleten. It plan om de tocht hielendal allinnich te dwaan, liet him net los. No is Van der Pal mei Van der Weijden yn petear foar gearwurking yn 2020, sadat der alle jierren jild ynsammele wurde kin foar it kankerfûns. Mar Stefan focust him dit jier folslein op Maarten, net op syn eigen tarieding. "Maarten moet het halen, de rest is bijzaak", seit er.

Ien fan de wichtichste saken dy't Maarten feroare hat, is it iten dat hy binnen krijt. Ferline jier hat er mar 13.000 kaloryen ynnaam, wylst hy 30.000 ferbrûkt hat. Dêrom is der no ynset om alle 20 minuten wat te iten en ek waarm te iten. Van der Pal: "Tijdens zo'n tocht moet je niet meer nadenken over waar je zin in hebt. Dat moet van te voren al bepaald zijn."

Ek sliept Maarten dit jier folle mear as ferline jier. Doe hat er perioades fan tweintich minuten swommen om't er benaud wie foar ekstreme spierpine troch te lang sliepen. Dit jier sliept er trije oant fjouwer oeren yn de nacht. Dat is mar goed ek neffens Van der Pal. "Je moet niet zo streng voor jezelf zijn en kijken naar de omstandigheden en hoeveel rust je lichaam nodig heeft."

As lêste tinkt Van der Pal dat Maarten dit jier better mei de pine omgean kin, "Maarten had na 50 kilometer al ongelooflijke pijn en had toen niet het idee dat hij het zou halen. Dat gaat in je hoofd zitten en je moet nog zo lang. Toch heeft hij daarna nog meer dan 100 kilometer gezwommen, dus hij weet nu dat hij ondanks zo veel pijn nog heel ver kan komen."