Ferskate eveneminten útsteld of ôfsein fanwege it minne waar

08 jun 2019 - 13:22

It minne waar soarget der sneon foar dat ferskate eveneminten yn de provinsje net trochgean kinne. Sa is de Miny-Alvestêdetocht yn Boalsert freed al ôfsein op basis fan de foarútsichten.

Foto: Omrop Fryslân

Ofseine eveneminten:

  • De iepen tún fan It Swiete Libben yn Dedzjum. It Swiete Libben is sneon sletten.
  • De 'Tuigmiddag' yn Sint-Nyk
  • De Brocante Markt op De Jouwer
  • De keunstmerk yn Balk
  • De merk by it winkelsintrum yn Appelskea
  • Dance in de Tuin yn Drachten

Utstelde eveneminten:

  • De hynstemaraton fan Britswert moat de hindernissen dy't omwaaid binne oerein sette. It evenemint begjint dêrom in oere letter: om 16.00 oere.
  • It Concours Hippique yn Snits giet sneon net troch. It evenemint set snein om 9.30 oere wer útein en dan sil it sneonsprogramma ynhelle wurde.
  • De fierljepwedstriid yn Burgum foar de 1e en 2e klasse. Nei alle gedachten sil de 1e klasse nije wike woansdei spylje en de 2e klasse tiisdei.

Ferpleatste eveneminten:

  • Strjitfestival Peije Dei yn Drachten sil him ditkear binnendoar ôfspylje. It festival giet dus wol gewoan troch.

Freedtejûn waard it fergees tagonklike muzykfestival 'Rock in de Tuin' yn Drachten al ôfblaasd. 'Pop in de Tuin' op snein sil foarearst gewoan plakfine.

Is der noch in evenemint dat net trochgiet of letter úteinset, lit it ús witte. Dan heakje wy it evenemint ta oan dit artikel.

Trefwurden: 
stoarm min waar
(advertinsje)
(advertinsje)