Jong Hearrenfean thús hurd ûnderút tsjin Roda-beloften
De beloften fan SC Hearrenfean ha mei 1-4 ferlern fan de beloften fan Roda JC. Troch it ferlies hellet de ploech út Kerkrade Hearrenfean yn op de ranglist.
Nei in goed healoere kamen de Feansters op efterstân troch in eigen doelpunt. Krekt foar it skoft makke Celestin Djim Ndogo de 0-2.
De ploech út Kerkrade kaam ek better út it skoft, want binnen trije minuten stie it 0-3 troch in goal fan Dico Jap Tjong. In healoere foar tiid koene de Feansters noch wat sjen litte, it wie Elton Kusi dy't de 1-3 makke. Dy goal kaam lykwols te let en tsien minuten foar tiid makke Dico Jap Tjong ek noch de 1-4.
Troch it ferlies hellet Roda de Feansters yn op de ranglist fan Poule B fan de foarjierskompetysje. Roda is earste, Hearrenfean stiet mei twa punten minder op it tredde plak.