Fassinearre troch it gefjocht tusken minske en natuer, nije keramykeksposysje

Yn it keramykmuseum Princessehof yn Ljouwert set dit wykein in eksposysje oer grutte skippen fan keramyk útein. In hiel aktueel ûnderwerp, sa beseft de keunstner Tilmann Meyer. Mei de kontenerramp by de Waadeilannen noch yn 'e efterholle.

Der binne bygelyks tankers, cruiseskippen en kontenerskippen te sjen. Meyer wol mei de eksposysje 'Volle kracht vooruit' foaral de tsjustere kanten beljochtsje fan de skipfeart op folle see. Meyer wurket rap, wêrtroch't syn wurk skeef is en skuorren hat, lykas yn de realiteit. Hy is fassinearre troch de ynfloed fan de natuer.