Froulju SC Hearrenfean winne yn Rotterdam fan Excelsior Barendrecht

29 mrt 2019 - 22:23

De froulju fan SC Hearrenfean hawwe mei in goede winstpartij op de froulju fan Excelsior Barendrecht harren kopposysje yn de play-offs ferstevige. De Feansters namen de trije punten mei nei in 4-0 winst yn it Van Donge en De Roo Stadion.

Foto: ProNews

Yn de earste helte foel net in soad te belibjen, al kaam it frouljusteam fan Hearrenfean al op foarsprong. Suzanne Admiraal wurke nei in krappe tsien minuten de 1-0 tsjin de touwen.

Doe't Tiny Hoekstra nei in goed oere spyljen in rebound de goal yn skeat en Laura Strik de 3-0 foar har rekken naam, wienen de Feansters wis fan de oerwinning. Dy waard noch in bytsje moaier doe't Hoekstra fan de strafskopstip ôf de 4-0 makke.

(advertinsje)
(advertinsje)