FIDEO: Hollebatse yn IepenUP

27 mrt 2019 - 19:42

Fryslân en metalheads binne ûnskiedber oan inoar ferbûn; de metalkultuer libbet yn ús provinsje. Dêrom woansdei in IepenUP-útstjoering yn it ramt fan 'hollebatse'.

In soad metalbands komme út Fryslân. Yn IepenUP Hollebatse binne trije fan de fjouwer bands dy't delkomme Frysk: Manu Armata (hardcore) út Harns, My Minds Mine (grindcore) út Ljouwert en Tsjuster (black metal) dat sels in Fryske namme oannaam.

Presintator Jacco de Boer freget de bands it himd fan it liif foardat se it poadium op klimme. Dêrnjonken komt For I Am King; in Amsterdamske band dy't op it stuit de wrâld ferôveret.

Alle woansdeis stean yn it programma de aktualiteiten yn de wrâld sintraal. Hoe libje wy mei ús allen, hokker subgroepen meitsje dêr diel fan út en hoe soargje wy derfoar dat wy inoar faker moetsje en better begripe? Dat binne saken dy't oan bar komme yn IepenUP.

Elkenien kin oanwaaien komme en meidwaan oan de diskusjes yn kafee De Backstage yn poppoadium Neushoorn. It programma set alle woansdeis om 20.00 oere útein en is te folgjen op Omropfryslan.nl, yn de Omrop-app en op de Facebookside fan Omrop Fryslân. Mear ynformaasje oer IepenUP is te finen op de Facebookside. IepenUP is in inisjatyf fan Omrop Fryslân, Tresoar en Neushoorn Café en LF2018.

Trefwurden: 
IepenUP metal hollebatse
(Advertinsje)
(Advertinsje)