Op=Op Voordeelshop sit finansjeel yn swier waar

25 mrt 2019 - 15:35

It fallisemint foar de winkels fan Op=Op Voordeelshop driget. It personiel hat moandei te hearren krigen dat de organisaasje yn swier waar sit. Yn Fryslân giet it om sân winkels. Yn 2017 naam it konsern noch 31 winkels oer fan Blokker.

Op=Op winkel oan de Nijstêd yn Ljouwert - Foto: Google Street View

It plan wie doe noch om te groeien nei sa'n 300 winkels yn hiel Nederlân. By Op=Op Voordeelshops wurkje sa'n 1.000 minsken. Tsien Op=Op winkels binne saneamde franchises. Dy falle miskien bûten it fallisemint.

Yn Fryslân binne sân winkels dy't de Op=Op-formule fiere, te witten yn Ljouwert, Drachten, It Hearrenfean, De Jouwer, Surhústerfean, Snits en Dokkum.

(advertinsje)