LIVEBLOG: 87% teld, CDA de grutste, foar Forum en PvdA

21 mrt 2019 - 04:44

Fryslân koe woansdei stimme op de Provinsjale Steaten. Hokker partij hat de measte stimmen binnenhelle? Folgje alle útslaggen en reaksjes live. Op ús ferkiezingskaart binne foar alle gemeente alle stimmen te sjen.

4:34
Utslaggekaart Fryslân
4:32
87,3% teld

Yntusken is 87,3% fan de stimmen teld yn Fryslân. Der is, ferlike mei de foarige tuskenstân, neat feroare yn de foarriedige sitferdieling:

  • CDA 8 sitten
  • Forum voor Democratie 6
  • PvdA 6
  • VVD 4
  • FNP 4
  • GrienLinks 4
  • ChristenUnie 3
  • PVV 2
  • SP 2
  • D66 2
  • Partij voor de Dieren 1
  • 50PLUS 1

Provinsjaal Belang Fryslân, SGP, Natuurlijk Fryslân en DENK ha net genôch stimmen krigen foar in sit.

3:49
We wachtsje noch

Fan alle Fryske gemeenten hat allinnich Smellingerlân de stimmen noch net teld.

3:11
Forum grutte winner

Goed 70 persint fan de stimmen is teld. It CDA bliuwt de grutste partij yn Fryslân, mar Forum voor Democratie is de grutte winner. Sy pakke as nijkommer seis sitten. Dat is twa minder as it CDA en likefolle as de PvdA.

In oare grutte winner is GrienLinks. Dy partij giet fan ien nei fjouwer sitten yn de Steaten.

Lês mear: Forum grutte winner Steateferkiezingen, CDA bliuwt grutste partij

2:20
Opsterlân no ek

De PvdA bliuwt de grutste yn Opsterlân, foar it CDA. Forum voor Democratie is de tredde partij. De opkomst yn Opsterlân wie 60,3%.

2:06
Eaststellingwerf binnen

Yn Eaststellingwerf binne de measte stimmen gien nei Forum voor Democratie. Dêrnei komme CDA en PvdA, dy't beide wol flink wat stimmen ferlieze. De opkomst yn Eaststellingwerf wie 58,9%.

1:32
Weromsjen

De útstjoering fan Fryslân Kiest op telefyzje sit derop. Kinst 'm hjirûnder weromsjen:

1:13
Ljouwert en Súdwest-Fryslân

De útslach fan de gemeente Ljouwert is no definityf. De Partij van de Arbeid bliuwt de grutste. Dêrnei komme Forum voor Democratie en GrienLinks.

Yn Súdwest-Fryslân is it CDA it grutst, foar Forum en PvdA.

1:09
Kommissaris Arno Brok
1:06
Wer trije gemeenten

Der komme wer trije gemeenten binnen: Weststellingwerf, Achtkarspelen en De Fryske Marren. Yn alle gemeenten is it Achtkarspelen is it CDA it grutst en oeral is Forum voor Democratie de grutste winner. De folsleine útslach fynst yn de útslaggekaart boppeyn dit liveblog.

(advertinsje)
(advertinsje)