Auto fljocht ûnder it riden yn 'e brân op provinsjale dyk by Hallum
Op de Ljouwerterdyk by Hallum is sneontenacht in auto útbrând. Under it riden kamen der ynienen flammen ûnder de motorkape wei. De bestjoerder belle dêrop fuortendaliks 112, wêrnei't de brânwacht it fjoer útmeitsje koe.
By de wurksumheden wie ien rydstrook koart ôfsletten foar it ferkear. De auto rekke swier skânsearre en moast troch in berger fuorthelle wurde. Hoe't de brân ûntstean koe, is net dúdlik.
