Darter Noppert útskeakele op darttoernoai yn Wigan
De Fryske darter Danny Noppert is net fierder kaam as de lêste 64 yn it tredde Players Championship yn it Ingelske Wigan.
Noppert strâne by de lêste 64 troch fan Jamie Lewis út Wales te ferliezen mei 6-4. De ronde dêrfoar hie er mei 6-1 oertsjûgjend wûn fan de Ingelsman Joe Murnan.
It toernoai waard wûn troch de Nederlanner Michael van Gerwen. Hy spile in fantastyske finale tsjin de Ingelsman Ian White. It waard 8-5 foar Van Gerwen.