LIVEBLOG: Jouster foar de rjochter foar deadzjen Hans Boschma

07 feb 2019 - 14:15

De rjochtsaak tsjin de 53-jierrige Jouster, dy't derfan fertocht wurdt dat er de accountant Hans Boschma (56) út Heech om it libben brocht hat, is tongersdei. Advokate Eva Bakx fan de fertochte hie earder frege om neier psychiatrysk ûndersyk fan har pasjint. Dat fersyk wiisde de rjochtbank lykwols ôf. Ferslachjouwer Auke Zeldenrust hâldt ús yn dit liveblog op de hichte út de rjochtbank wei.

15:21
Eask

De offisier fan justysje neamt it ferhaal fan de fertochte net oannimik. De offisier seit dat de die op selsmoard lykje moast mar neffens him is dúdlik dat de Jouster it dien hat. De eask is 16 jier.

15:09
Ferhearen

Fertochte is njoggen kear heard troch de plysje. De earste seis kear ûntkent de Jouster dat hy yn Heech west hat. Hy swart dat op syn bern. Dochs wiist alles derop dat hy wol op 6 febrewaris 2018 yn Heech west hat. Dêrnei bekent hy dat hy wat te krijen hat mei de dea fan Hans Boschma.

15:03
Twadde fertochte

De oare fertochte yn dizze saak, de eks-skoansoan fan de Jouster, is yn april ferline jier frijlitten. Oft dêr noch in rjochtssaak fan komt, wurdt earst nei dizze saak dúdlik.

14:41
Rekwisitoar

Offisier fan justysje Eelco Jepkema krijt it wurd en komt aanst mei de eask. Neffens him is Boschma troch wurgjen mei in stik tou fan goed fiif meter om it libben brocht. "Dat touw was niet van Boschma. Hans had geen touw in huis, hij kan nog geen schoenveters vastknopen."

13:51
Shockskea

De advokaat fan de famylje easket skeafergoeding fan de fertochte. It giet om 17.000 euro. It bedrach dat oermakke is op de bewuste dei fan 6 febrewaris. Fierder giet it om 20.000 euro foar de begraffenis en it grêfmonumint en 15.000 euro shockskea foar de suster, dy't har broer dea fûn hat. Se hat dêrtroch posttraumatysk stress-syndroom oprûn.

13:39
Slachtofferferklearring

Ien fan de famyljeleden fan it slachtoffer komt oan it wurd: "Werk was alles voor Hans. Hans ging voor de mens en niet het uiterlijk. Zijn bedrijf zou in 2018 exact 25 jaar bestaan. Dat heeft hij niet gehaald. We missen het delen van dingen met Hans. Rouw is nog niet mogelijk, alles is ons ontnomen. Hans heeft geen schijn van kans gehad. Eerst werd ons verteld dat het zelfmoord was maar wij wisten dat dat niet zo was. Pas een maand later vertelde de politie dat hij omgebracht was. Ik ben boos en verdrietig. We zullen nooit meer compleet zijn, Wij hebben levenslang en ik wil dat de verdachte ook levenslang krijgt."

13:21
Mails

De mail dy't stjoerd is op 6 febrewaris nei de eks-skoansoan fan de fertochte is ûndersocht troch it NFI. Dy hawwe de tekst fergelike mei 64 mails fan Boschma. De ûndersikers komme ta de konklúzje op grûn fan it wurdgebrûk dat Boschma dy mail nei alle gedachten net stjoerd hat, mar dat de fertochte dêr mooglik achter sit.

11:14
Wetter oan 'e lippen

De fertochte siet yn in minne finansjele posysje. "Het water stond me aan de lippen, maar de situatie was niet uitzichtloos." Neffens ien fan de rjochters hat de fertochte de mail sels stjoerd, wêryn't Boschma jild taseit. "Want de muis lag links van de computer en Hans Boschma is rechts." De fertochte ûntkent.

10:53
Nije fraachtekens

Rjochter set wer fraachtekens by it ferhaal fan de fertochte: "Hoe kan het dat Hans zich het ene moment bereidwillig toont om geld over te maken en vervolgens in blinde woede ontsteekt en zelfs probeert u te wurgen? Terwijl iedereen van hem zegt dat het een bedachtzame man is en niet bekend staat om woede-uitbarstingen." Fertochte: "Ik zou het niet weten."

10:38
Needwar

Fertochte: "Ik was doodsbang, het voelde als die beide keren toen ik bijna in het zwembad was verdronken. Ik heb uit noodweer gehandeld. Ik heb geen kans gezien om anders te handelen. Ik zou nooit iemand bewust wurgen." De fertochte giet fuort en nei hûs. Hy nimt oan dat Hans Boschma noch libbet en de plysje belje sil. "Waarom hebt u de politie zelf niet gebeld?", freget de rjochter. "Dat weet ik niet", antwurdet de fertochte. Efkes letter fernimt hy út de media dat der in deade man fûn is yn Heech. "Toen stortte mijn hele wereld in. Alle dromen die je hebt zijn weg."

Trefwurden: 
justysje Heech Hans Boschma
(advertinsje)
(advertinsje)