Auto rekket fan de dyk en yn it wetter by Wommels

03 feb 2019 - 17:18

Op de Westergoawei (N359) by Wommels is sneintemiddei in auto fan de dyk en yn it wetter bedarre. Hoe't dat krekt barre koe, is net dúdlik. De helptsjinsten waarden manmachtich alarmearre.

Foto: CAMJO media

It slachtoffer is út de auto helle. Hoe't it krekt mei de persoan giet, is net bekend. Foar it ûngelok waard ek de traumahelikopter oproppen, mar dy waard ôfsein.

Berging

Fanwegen bergingswurksumheden moat it ferkear rekken hâlde mei fertraging.

Trefwurden: 
ûngelok auto Wommels N359
(advertinsje)
(advertinsje)