Sander Arends nei heale finale yn Quimper

31 jan 2019 - 19:03

Tennisser Sander Arends fan Ljouwert hat him pleatst foar de heale finale fan it dûbeldspul fan Quimper. Yn de kwartfinale fan it challengertoernoai wûnen Arends en Tristan-Samuel Weissborn fan it Frânske duo Elliot Benchetrit en Geoffrey Blancaneaux.

Foto: www.orange-pictures.nl

Arends en de Eastenriker Weissborn setten goed útein en wûnen de earste set mei 6-2. De twadde set gie lykwols mei 6-3 nei de Frânsen en dus moast in supertiebreak bepale wa't nei de heale finale gie. Arends en Weissborn wûnen dy supertiebreak oertsjûgjend: 10-2.

It is noch net bekend tsjin wa't Arends en Weissborn yn de heale finale moatte.

Trefwurden: 
Sander Arends tennis Quimper
(Advertinsje)
(Advertinsje)