Hester Jasper sleept oerwinning binnen op FAST Flamingo's

19 jan 2019 - 23:02

De follybalsters fan VC Snits hawwe sneontejûn mei 3-1 wûn fan FAST Flamingo's, de sechsde op de ranglist. De setstannen wiene 25-18, 25-18, 24-26 en 25-23. Hester Jasper fan Snits wie de spiler fan de jûn en holp har ploech mei sterk oanfalspul nei de oerwinning.

Hester Jasper fan VC Snits - Foto: www.orange-pictures.nl

De Snitser follybalfroulju, dy't tredde steane op de ranglist, setten de wedstriid fuortendaliks goed útein. De earste set einige mei 25-18. Ek de twadde set waard wûn troch de ploech fan Paul Oosterhof, De tredde set waard lykwols út hannen jûn. De Snitsers joegen gau replyk en wûnen ek de lêste set. Einstân: 3-1.

(Advertinsje)
(Advertinsje)