Plysje krijt man by de krage dy't âlde minsken oplichtsje woe
De plysje hat yn Eelde in 71-jierrige oplichter oanhâlden, dy't ek yn Driezum en omkriten besocht hie minsken op te lichtsjen. De man besocht âlde minsken jassen te ferkeapjen.
Hy die krekt as hiene de minsken in priis wûn en besocht sa om harren hûs binnen te kommen. Sa't it no liket, hat de man yn Noardeast-Fryslân gjin slachtoffers makke. Doe't hy yn Eelde besocht minsken op te lichtsjen, waard hy oanhâlden.