Lêste kâns: stim hjir op dyn favorite sportmomint fan 2018!

03 des 2018 - 11:00

Omrop Fryslân, De Leeuwarder Courant, Provinsje Fryslân en Sport Fryslân organisearje dit jier de Sportmominten fan 2018. In sjuery hat de belangrykste, moaiste of bysûnderste mominten útkeazen. Oan de hân fan dizze 30 mominten kieze jo de top fiif.

Dizze dei is de lêste mooglikheid om te stimmen. Klik op dizze link en stim!

Foto: Omrop Fryslân

It jier 2018 wie in moai Frysk sportjier. Op de Olympyske Spelen hellen de Friezen wer in fracht oan medaljes binnen, mar ek wrâldtitels en Europeeske titels bleaune net út. Sjoch hjir nei it twadde diel mei 15 fragminten. It earste diel is hjir te finen.

SvenKramer5KM

Sven Kramer wûn op de Olympyske Spelen yn Súd-Koreä foar de tredde kear goud op de fiif kilometer. Hy die dat yn in olympysk rekôr fan 6.09.76. Mei dy tiid liet hy syn grutte konkurrint Ted-Jan Bloemen en de Noar Sverre Lunde Pedersen efter him.

IreenWüstGoud

Ireen Wüst pakte op 12 febrewaris op de Olympyske Spelen de gouden medalje op de 1500 meter. Yn in tiid fan 1.54.35 wie Wüst yn Súd-Koreä de rapste. Marrit Leenstra pakte it brûns yn 1.55.26. Dêrtusken kaam de Japanske topfavoryt Miho Takagi mei 1.54.55. It wie foar Wüst de fjirde kear dat sy op de Olympyske Spelen op de heechste trêd fan it poadium stean mocht.

SjinkieKnegtSulver

Shorttracker Sjinkie Knegt fan Bantegea wûn op de earste dei fan de Olympyske Spelen sulver op de 1500 meter. Allinnich de Súd-Koreaan Lin wie rapper. It wie foar Knegt de twadde medalje op de Winterspelen. Yn 2014 pakte er yn Ruslân brûns op de 1000 meter.

PieterJanPostmaWKBrons

Trefwurden: 
Sportsjo Sportmominten
(Advertinsje)
(Advertinsje)