Trije manlju oanhâlden dy't ûnder ynfloed fan drugs ride
De plysje yn Ljouwert hat woansdeitemiddei trije automobilisten oanhâlden dy't ûnder ynfloed fan drugs efter it stjoer sieten.
Plysje - Foto: ANP
It giet om bestjoerders fan 21, 31 en 38 jier. Der binne bloedproeven ôfnaam en se krigen in rydferbod fan 24 oeren oplein.
De 38-jierrige Ljouwerter hie dêrneist ek noch boetes iepen stean dy't hy net betelje koe. Syn auto is dêrom bûten gebrûk steld.