Helpferlieners komme yn aksje fanwege reanimaasje by patatfabryk
Helpferlieners moasten tiisdeitemoarn yn aksje komme fanwegen in reanimaasje by it patatfabryk fan Lamb Weston yn Kleaster-Lidlum, by Easterbierrum. In sjauffeur dy't ferpakkingsmateraal bringen kaam, waard net goed. De sjauffeur is úteinlik yn kritike tastân oerbrocht nei it sikehûs.
Ungelok by Lamb Weston yn Kleaster-Lidlum - Foto: Stefan Postema
Earst kamen bedriuwshelpferlieners yn aksje. Letter waarden sy bystien troch ambulânsemeiwurkers. Neffens in wurdfierder fan it bedriuw wiene de ambulânsemeiwurkers tige te sprekken oer de earste helpferliening.