Man hinget skoft oan heechwurker yn bosk yn Nijemardum
Yn de bosk yn Nijemardum hat hast twa oeren lang in 62-jierrige man út Himmelum oan in heechwurker hongen. De man wie yn 'e buert fan it Heidepaad dwaande mei snoeiwurk, doe't de masine it bejoech. Hy hong mei ien hân oan in liere oan it bakje fan de heechwurker.
De brânwacht moast der oan te pas komme, mar dy koe de lokaasje mar lestich berikke. Yntusken is de man nei ûnderen helle. De man is ûndersocht troch ambulânsepersoniel en makket it goed.