Bekerwedstriden beide Fryske klups op woansdei 19 desimber
SC Hearrenfean en SC Cambuur komme beide op woansdei 19 desimber yn aksje foar de KNVB-beker. De twa Fryske klups pleatsten har ferline wike foar de achtste finalen. Moandei hat de KNVB it spylskema bekend makke.
De Feansters spylje op dy woansdei yn Heemskerk om 18.30 oere tsjin treddedifyzjonist ODIN'59. Cambuur begjint letter op de jûn út tsjin earedifyzjonist Fortuna Sittard: om 19.45 oere.
De kompetysjewedstriid fan Cambuur tsjin MVV is dêrom ferpleatst nei snein 23 desimber. Earst soe dy wedstriid yn Maastricht op freed 21 desimber wêze.
