Sander Arends ûnderút yn Dútske Eckental

03 nov 2018 - 21:44

De Ljouwerter Sander Arends en syn dûbelmaat Romain Arneodo spilen sneontemiddei de heale finale fan it challengertoernoai yn it Dútske Eckental. Dy ferlearen se mei 7-5, 5-7 en 11-13.

Sander Arends - Foto: www.orange-pictures.nl

It stel naam it op tsjin de Frânske Hugo Nys en de Skotske Jonny O'Mara. Yn de earste set waard it 7-5. Se krigen yn de twadde set matchpoints op 5-2 en 5-4. Yn de supertiebreak stiene se op foarsprong mei 4-0 en 6-2. Dernei krigen Arends en Arneodo wer in matchpoint op 10-9.

It Frânsk/Skotske duo wist der yn de lêste set lykwols 11-13 fan te meitsjen en gie der dus mei de winst fantroch.

Arends en Arneodo sille kommende wike wer yn aksje komme yn Nantes, Frankryk.

(advertinsje)