Op de Sumarderwei yn Eastermar is op woansdeitemiddei om 17.00 oere hinne in iensidich ûngelok bard. De bestjoerder ferlear de macht oer it stjoer en botste frontaal tsjin in beam.
Auto-ûngelok yn Eastermar - Foto: Srfotografie
De brânwacht waard alarmearre, omdat der mooglik immen beknypte wêze soe. De bestjoerder is sels út de auto krûpt. Hy wie ferwûne rekke en waard oerbrocht nei it sikehûs.