In 44-jierrige frou út It Hearrenfean hat tiiisdeitemoarn by it stasjon fan Grou krekt op 'e tiid in frou fan it spoar helle. De Feanster frou wie oan it skjinmeitsjen, doe't se de frou op it spoar rinnen seach, wylst de trein deroan kaam.
It stasjon fan Grou-Jirnsum - Foto: Omrop Fryslân, Joris Kalma
Se koe de frou noch krekt fan it spoar lûke. Dy naaide dêrnei hurdrinnend út yn de rjochting fan Grou, folge troch in jonge fan in jier as 15.
De frou, fan likernôch 50 jier, en de jonge binne net fûn. De plysje seit in soad wurdearring te hawwen foar de frou út It Hearrenfean.