Drachtster wint fakânsjehûs by ferlotting Grinzer fuotbalferiening
In man út Drachten hat freedtejûn by in ferlotting fan fuotbalferiening Eenrum yn Grins in fakânsjewenning wûn. VV Eenrum organisearre de ferlotting om jild op te heljen foar de klup. De twadde en de tredde priis giene nei in frou út Harkstede en in man út Vleuten.
De ferlotting waard yn 'e maitiid fan dit jier oankundige. Yn totaal waarden goed achttûzen lotten ferkocht fan 98 euro it stik. Nei it ôflûken fan alle kosten bliuwt der sa'n fjouwer ton oer foar de fuotbalklup.
Aldebiltsyl
De fuotbalklup fan Eenrum kaam op it idee troch de ferlotting fan foarich jier by VV Ouwe Syl. Yn novimber wûn in frou út Arnhem dêr ek in wenning by in ferlotting.