LIVEBLOG: De twadde dei fan de rjochtsaak tsjin de A7-blokkearders

09 okt 2018 - 16:55

De 'blokkearfriezen' moatte tiisdei opnij ferskine foar de Ljouwerter rjochtbank. Op 18 novimber 2017 blokkearren 34 minsken by De Jouwer de A7 foar anty-Swarte Pyt-demonstranten. Moandei wie de earste dei fan de rjochtsaak tsjin harren. Troch de sneldyk te blokkearjen hawwe de fertochten foar in gefaarlike situaasje soarge. Se binne oanklage foar ferskate saken, lykas it tichtsetten fan de iepenbiere wei en it behinderjen fan in demonstraasje. Rjochtbankferslachjouwer Auke Zeldenrust folget de saak foar de twadde dei op rige.

20:49
Auke Zeldenrust nei dei 2
20:48
Dei 2 sit derop

De twadde dei fan de rjochtsaak oer de A7-blokkade sit derop. Tiisdei moasten 19 fertochten foarkomme yn Ljouwert. Oer it algemien like it op de earste dei, seit ferslachjouwer Auke Zeldenrust: "Alle fertochten sizze dat se slagge binne yn har opset en dat se grutsk binne. Guon sizze dat de blokkade miskien net de bêste manier wie om dat te dwaan, mar dat it doel de middelen hilliget."

19:27
Imago Fryslân?
16:35
Onbewust

Fertochte: "Ik ben er onbewust in terecht gekomen. Ik haalde de bussen in en was gewoon nieuwsgierig." Rjochter Lootsma hat har twivels: "Uw verhaal vind ik moeilijk te rijmen."

16:26
Ramptoeristen

In 23-jierrige frou út Noardburgum: "Wij waren gewoon nieuwsgierig, in feite waren we ramptoeristen."

15:46
Spontane actie

In 46-jierrige man út Damwâld: "Het is was een spontane actie. Iedereen mag protesteren, maar niet op de dag van een kinderfeest. Daar horen geen grote joelende mensen bij."

15:23
Auto's

Alle fertochten hawwe wol wat mei auto's, wat rjochter Lootsma opfalt. "Ik heb nog nooit zoveel verdachten bij elkaar gehad die als hobby auto's hebben. Ik doe al heel lang zittingen, maar dit heb ik nog nooit meegemaakt."

14:43
Ferkearde momint

In 21-jierrige man ut Rinsumageast seit dat hy op it ferkearde momint op it ferkearde plak wie. De rjochter fynt dat apart: "U was er toch gewoon bij?" De fertochte wit net mear hielendal hoe't alles gong, seit er: "Het is al bijna een jaar geleden."

14:17
Doel berikt

In 56-jierrige ynwenner fan Damwâld lit witte dat it doel berikt wie, mar de blokkade wie net de goeie oplossing. Dat sizze hast alle fertochten.

14:13
Slaanderij

Fertochte: "Wy hawwe mei ús aksje in grutte slaanderij foarkommen yn Dokkum. It wie dêr folslein út de hân rûn, want der wie fierstente min plysje om de boel ûnder kontrôle te krijen."

13:51
Gjin geweld

In 22-jierrige man út Oentsjerk: "Miskien hat in blokkade gjin goeie oplossing west, mar it bernefeest yn Dokkum is wol trochgien en dat wie de bedoeling. En der is gjin geweld brûkt, we hawwe nea it plan han om de minsken yn de bus te grazen te nimmen."

12:51
Moaiste dei

In 37-jierrige Drachtster dy't der net by is, neamt it de ien nei moaiste dei fan syn libben. "Als ik doodga, zal dat met een glimlach zijn als ik eraan terugdenk." Juster wie syn moaiste dei, doe't hy syn freondinne frege om mei him te trouwen.

12:39

Ferslachjouwer Auke Zeldenrust is by de rjochtsaak

12:28
Promoasje

In 26-jierrige fertochte ut Dokkum: "We hebben gedaan wat we moesten doen. Ik ben er trots op", skriuwt er yn de WhatsApp-groep fan syn freonen. Fan syn wurkjouwer krijt hy fuortendaliks in hegere funskje, dêr't hy om frege hie. Syn baas fynt it geweldich wat er dien hat.

12:16
Euforisch

In 28-jieriige man ut Boarnwird: "De sfeer werd euforisch op weg. We werden toegejuicht. De mensen in de bussen keken wel grimmig. Ik vind dat niet-Nederlanders niet mogen demonstreren. Ik vind het een geweldige actie van ons, maar achteraf was ik liever thuis gebleven, gezien de gevolgen voor mij."

11:33
Trauma

De 23-jierrige fertochte út Twizelerheide seit dat hy in trauma yn de rjochtbank oprûn hat. "In 2015 ben ik zwaar mishandeld op Ameland. De man is door deze rechtbank vrijgesproken omdat er van de zaak een zooitje is gemaakt. Ik lig er nog steeds wakker van."

11:26
Nieuwsgierig

Fertochte (21) út Rinsumageast. "Het zou niet eerlijk zijn als ik veroordeeld word. Ik ben erin beland, omdat ik nieuwsgierig was. Ik wist niet wat er zou gebeuren. Als we niet hadden ingegrepen was het in Dokkum uit de hand gelopen."

11:11
Frijspraak

In fertochte út Koudum: "Ik ga ervan uit dat we worden vrijgesproken. Maar mocht er per ongeluk toch een straf komen, dan liever geen taakstraf of celstraf, liever een boete. Ik ben niet onder de indruk van dit proces, het is een grote poppenkast waar ik eigenlijk geen tijd voor heb."

11:10
Fryske flagge

De offisier fan justysje freget wêrom't de Fryske flagge meidroegen wurdt. Fertochte: "We laten graag zien dat we trots zijn op onze provincie en onze kinderen. Zie het maar als een statement richting de Randstad."

10:51
Stokje foar stekke

In 29-jierrige man ut Twizelerheide ferklearret: "In 2014 hebben de demonstranten al de intocht verstoord in Gouda. Dat gaat me aan het hart. Kick Out Zwarte Piet gaat over de schreef. De kinderen willen een mooi feest en niet wat er in Gouda gebeurd is. Zover wilde ik het niet in Dokkum laten komen, dat was voor mij de reden om er een stokje voor te steken."

10:34
Trots

De folgjende trije fertochten sitte der klear foar. In 23-jerrige man út Twizelerheide seit hy der by tafal yn telâne kommen is. "Ik ben een sensatiezoeker. Maar ik ben er wel trots op, ik zou het zo weer doen", ferklearre hy by de plysje.

9:58
Yntimidearre

De tredde fertochte fan dit oere is der net by. De 22-jierrige Westereender wie der juster wol, mar hat der hjoed gjin nocht oan. Mooglik om deselde reden as trije fertochten juster dy't harren yntimidearre fielden troch de rjochtbank. Sy binne op de earste prosesdei fuortrûn.

9:53
Waanders

Fertochte: "Wij hebben gedaan wat burgemeester Waanders heeft nagelaten, namelijk een kinderfeest redden." De Koudumer seit derby dat neffens him 95 prosint fan de Nederlanners achter him stiet.

9:42
Trotse blokkeer-Fries

De Koudumer seit lykas alle fertochten oant no ta: "Het was onze bedoeling om te vertragen. Maar achter mij stond alles stil, toen ben ik ook maar stil gaan staan. Of ik daar spijt van heb. Nee, zoals gezegd, ik neem er geen millimeter van terug. Ik ben een trotse blokkeer-Fries. De kinderen in Dokkum hebben een mooie dag gehad." De fertochte wol 13 siden foarlêze oer wat hy fan it proses fynt, kommende freed as hy it lêste wurd krijt.

9:38
Ynterview

In 34-jierrige Koudumer wurdt troch de plysje herkend fanwege in ynterview op Omrop Fryslân. Hy set op Facebook nei de aksje, dat dy slagge is. "Daar neem ik geen millimeter van terug", seit hy tsjin de rjochter.

9:28
Ferantwurdlik

Rjochter: Voelt u zich niet verantwoordelijk? Dokkumer: "Niet voor de blokkade, wel voor de blote kont. Ik wilde vertragen, niet blokkeren." Rjochter: "Maar u draait er omheen. U bent uitgestapt, u stond toch stil. Dat is toch een blokkade?"

9:11
"Leuke kont"

De Dokkumer giet nei de blokkade en seit dat it dêr wol geselllich wie. Hy hie der gjin rekken mei hâlden dat de plysje him oppakke soe. Tsjin de rjochter: "Ik liep naar de bus toe. Ik kreeg middelvingers en toen liet ik mijn blote kont zien. Ik vind zelf dat ik wel een leuke kont heb."

9:05
Broek nei ûnderen

In 29-jierrige fertochte út Dokkum giet werom nei 18 november. Rjochter: "U trok voor de bus met demonstranten uw broek naar beneden?" Fertochte: "Ja, dat klopt."

9:04
Der is freed in ferrassing foar Jenny Douwes, hearde Auke Zeldenrust

Ferslachjouwer Auke Zeldenrust by de rjochtbank

8:58
1 fertochte bliuwt thús

De earste twa fertochten sitte der al wer klear foar. Hjoed komme der 19 fertochten foar. It is de fraach oft se allegear ferskine. Fan de earste trije is der al ien thús bleaun.

8:35
Hoe ferrûn de earste dei?

Om 9.00 oere set dizze twadde dei fan de rjochtsaak útein. Hjirûnder in gearfetting fan de earste dei.

Moandei moasten 12 fan de 34 fertochten foarkomme. Ien hjirfan is lykwols net foar de rjochtbank ferskynd en de lêste trije fertochten dy't noch foarkomme moasten, binne fuortrûn. Sy soene harren yntimidearre fiele troch de wize wêrop't de rjochtbank de fertochten moandei ûnderfrege hat.

Rûzich begjin

De dei hie in rûzich begjin. It wie moarns daliks al drok by de rjochtbank en by it foarlêzen fan de oanklacht waard ien fan de rjochters net goed. De saak waard stillein, mar koe in oere letter wer fierder.

Bliid, mar ek twivel

Oer it algemien sizze alle fertochten, dat se bliid binne dat it slagge is om de anty-Swarte Pyt-protestearders tsjin te hâlden. Al lutsen guon wol yn twivel oft in blokkade de goede manier wie. Dúdlik waard ek dat net elkenien wist wat no krekt de bedoeling wie op dy 18e novimber fan ferline jier.

Demonstraasjerjocht ontnommen

It Iepenbier Ministearje besocht by alle fertochten te sizzen: "Witte jim wol wat jim dien ha? Der is in rjocht om te demonstrearjen en dat ha jim dy minsken ûntnommen." De offisier fan justysje wiisde ek noch op de gefaarlike situaasje dy't ûntstie.

Foar de rjochtsaak binne fjouwer dagen útlutsen. De anty-Swarte Pyt-protestearders ha oankundige om tongersdei gebrûk te meitsjen fan harren sprekrjocht.

Trefwurden: 
A7 rjochtsaak blokkade
(advertinsje)