'Ferhalen yn it lânskip': Fryske keunstners stypje talinten

06 okt 2018 - 15:41

Mear as 140 Fryske keunstners litte fan snein ôf ûnder de titel 'Ferhalen yn it lânskip' har wurk sjen yn it markante CAV-gebou yn Aldeberkeap. It giet om in inisjatyf fan de stifting O18, dat ûntwikkeling fan keunsttalinten as doel hat.

Foto: Omrop Fryslân, René Koster

Yn it projekt, dat ferbûn is oan LF2018, krije de talinten stipe fan fiif ferneamde Fryske keunstners: Tryntsje Nauta, Christiaan Kuitwaard, Anne Feddema, Gerrit Terpstra en Tjibbe Hooghiemstra. Ek sels toane se har wurk yn it yndustriële gebou yn Aldeberkeap en kieze út it anonime oanbod de fiif meast talintfolle kollega's.

Foto: Omrop Fryslân, René Koster

Op 28 oktober, de lêste dei fan de útstalling, meitsje de 'masters' bekend hokker 15 keunstners meidwaan kinne oan de saneamde 'masterclasses' en úteinlik ûnder mear by Open Stal eksposearje meie.

Foto: Omrop Fryslân, René Koster

René Koster praat mei Peter Hiemstra

Foto: Omrop Fryslân, René Koster

De útstalling yn it CAV-gebou is dizze moanne freeds, sneons en sneins, middeis fan 13 oant 17 oere iepen. Elk kin dêr fergees hinne.

(advertinsje)