Ferwûne by ûngelok by Akkrum: motorblok lansearre nei botsing

27 sep 2018 - 06:21

By in ûngelok krekt bûten Akkrum is woansdeitejûn in autobestjoerder ferwûne rekke. Oan de Meskenwier wie de automobilist fan de dyk rekke en tsjin in stek klapt.

Foto: Jaring Rispens

De bestjoerder botste dêrnei tsjin in beam, wêrop't it motorblok fan de auto lansearre waard. De auto kaam krekt fierderop ta stilstân. Buertbewenners hawwe de helptsjinsten warskôge.

It slachtoffer is mei de ambulânse nei it sikehûs brocht. Hoe't it ûngelok gebeure koe, is noch net dúdlik.

Trefwurden: 
ûngelok Akkrum
(advertinsje)