Sealfuotbalsters Drachtster Boys ûnderút tsjin KTP
De sealfuotbalsters fan Drachtster Boys hawwe freedtejûn yn Nieuw-Roden mei 3-1 ferlern fan KTP. Yn de earste helte makke Amber Bandringa it earste doelpunt troch in frije traap hurd yn 'e krusing te sjitten.
Nei it skoft koe tsjinstanner KTP de foarsprong ferdûbelje. In skot fan Nancy Loth feroare fan rjochting en bedarre yn it doel. De ploech út Nieuw-Roden makke ek noch de 3-0. Drachtster Boys koe krekt foar de ein fan de wedstriid noch wol de earetreffer op it boerd sette; dy kaam op namme fan Aruni Westerhout-Slagter. Takom wike spilet Drachtster Boys thús tsjin Exstsudiates Zwolle.
Avanti ferliest
De sealfroulju fan Avanti hawwe freedtejûn de earste kompetysjewedstriid fan it seizoen ferlern fan Team Alkmaar. It waard 5-1. It doelpunt fan Avanti kaam fan Kim Poepjes.