Tritich jier revalidaasje mei hynders yn Beetstersweach

20 sep 2018 - 15:26

Revalidearje mei help fan hynders. It is ien fan de spesjaliteiten fan maneezje 'Onder de Linde' yn Beetstersweach, dy't 30 jier bestiet.

Simon Anne Beimers is ien fan de 220 learlingen dy les krije op de maneezje. Beimers sit yn in rolstoel, mar dat betsjut net dat er net hynsteriden kin. "Mijn benen zijn stijf, maar worden lekker soepel van het paardrijden."

Foto: Omrop Fryslân, Bauke Deelstra

Ferslachjouwer Bauke Deelstra is op de maneezje

Neffens ynstruktrise Evelien Duin soarget de revalidaasje mei de hynders foar ûntspanning fan de spieren, ûntwikkeling fan de each-hân-koördinaasje, in bettere balâns en mear romtlik ynsjoch.

Foto: Omrop Fryslân, Bauke Deelstra

Protte minsken fine dat revalidearje mei hynders better wurket as fysioterapy.

Ynstruktrise Evelien Duin
Foto: Omrop Fryslân, Bauke Deelstra

Nettsjinsteande de resultaten dy neffens Duin by harren maneezje behelle wurde, wurdt revalidearje mei hynders (noch) net fersekere. "Dêr binne wy drok mei dwaande. Fan protte minsken hearre wy dat it better helpt as fysioterapy."

Foto: Omrop Fryslân, Bauke Deelstra
(advertinsje)
(advertinsje)