LIVEBLOG: De finaledei fan De Reuzen

19 aug 2018 - 18:01

De dûker, it famke en de hûn binne sneontejûn by elkoar kommen en ha de nacht trochbrocht by it WTC yn Ljouwert. Hjoed begjinne se om 14.30 oere mei har lêste tocht troch de stêd. Dy giet fia de Tesselschadestraat oer it wetter lâns de Prinsetún. Yn dit liveblog sjochst de meast opfallende berjochten fan social media en oare nijsgjirrige berjochten.

20:25
Ein fan de liveblog

Lykas foar de reuzen komt der ek in ein oan ús reuzeaventoer. Dankewol foar al jim berjochtjes en reaksjes. Moarn fansels mear reaksjes op û.o. de radio en hjir online yn de Omrop-app of ús website. Au revoir, oant sjen!

19:18
Update treinferkear: de hiele jûn pindeltsjinst tusken Ljouwert en Meppel

De NS lit witte dat der de hiele jûn beheind treinferkear bliuwe sil en dat se mei in saneamde pindeltsjinst ride. Dat betsjut dat der mar ien treinstel tusken Ljouwert en Meppel ride sil.

19:09
De besikerssifers fan de ôfrûne dagen

Freed: 95.000

Sneon: 150.00 - 160.000

Snein: 175.00 neffens boargemaster Ferd Crone

19:06
Bylden fan de drokte op it stasjon fan Ljouwert. It wachtsjen is op it opstarten fan it ferfangend ferfier.
18:35
Problemen op de parkearterreinen

Fia de Omrop-app krije we berjochten binnen oer de grutte drokte op it parkearterrein. Minsken freegje harren ôf hoe't it kin dat dit net better regele is. Guon stean al mear as in oere fêst.

Ien kear op wei kin it ferkear goed trochstreame. Der binne gjin grutte opstoppings op de tagongswegen.

18:18
LF2018-direkteur Tjeerd van Bekkum: "De sfeer die wij kunnen neerzetten, straalt verder dan wij denken."
17:42
In oersjoch fan de tocht
17:34
In tip foar alle automobilisten dy't rjochting it suden ride sille
17:32
Update treinen: fan 18:15 oere ôf beheind treinferkear mooglik nei Meppel

Neffens de NS kinne der fan 18:15 oere ôf op 1 spoar beheind treinen ride nei Meppel. Earst moat der in saneamd opstartplan makke wurde. Ynformaasje oer it treinferkear kinst fine op www.ns.nl

17:22
No sa!
17:17
500 meter oan boppelieding is stikken

Neffens Prorail is de boppelieding tusken Meppel en Zwolle oer in trajekt fan sa'n 500 meter skansearre troch in trein.

16:58
Oprop fan de NS: kom net nei it stasjon fan Ljouwert

De NS freget minsken net nei it stasjon yn Ljouwert te kommen. Dit fanwegen in steuring op it spoar tusken Meppel en Zwolle. Dêr is in boppelieding skansearre. Der wurdt op it stuit ûndersocht hoe grut de skea is en hokker gefolgen dat hat foar de hersteltiid.

De ferfierder freget dêrom minsken dy't de tiid hawwe, letter te reizgjen. Der binne op it stuit mar inkelde bussen beskikber, mar dat is lang net genôch om elkenien te ferfieren. Op it stuit is it net mooglik te reizgjen tusken Fryslân en bestimmingen fierder as Meppel.

Foto: Omrop Fryslân, Jolanda van Steinvoorn
16:52
Op it stasjon fan Ljouwert binne der in soad fragen oer de steuring by Meppel en de fertragings by NS
16:16
It kin noch krekt hjoed
15:37
Der komt skot yn de saak. Noch efkes wachtsje
Foto: Omrop Fryslân, Remco de Vries
14:55
Ferkearsynformaasje: Gjin treinen Meppel - Zwolle

Reizgers dy't mei de trein komme, moatte njonken de drokte ek rekken hâlde mei ekstra fertraging. De NS meldt dat der tusken Meppel en Zwolle op it stuit gjin treinen ride. Dat komt troch in defekte boppelieding.

14:32
Ferkearsynformaasje: drokte op de tagongsdiken

It is drok op de wegen yn Ljouwert: op de Aldlânsdyk, de Overijsselselaan, op de Drachtsterweg de stêd yn (by it Akwadukt) en op de Hendrik Algrawei.

13:51
Farrûtes binne ôfsletten

Dizze brêgen yn Ljouwert wurde oant 18:00 oere net betsjinne; Slauerhoffbrêge, Hermesbrêge, Verlaatsbrêge, Vrouwenpoortsbrêge, Noorderbrêge en de Eebrêge.

13:33
De rûte fan snein begjint by it WTC Expo en giet oer it wetter lâns de Prinsetûn
Foto: Gemeente Ljouwert
Trefwurden: 
LF2018 reuzen Royal de Luxe
(advertinsje)