Hearrenfean betinkt slachtoffers fan Yndonezyske ûnôfhinklikheidsstriid

15 aug 2018 - 16:39

Op It Hearrenfean wurdt woansdeitejûn fan sân oere ôf de jierlikse Ynjebetinking hâlden, by it monumint oan it Gashoudersplein. Der wurdt stilstien by alle boargers en militêren dy't omkamen by de Japanske besetting, en de ûnôfhinklikheidsstriid fan Yndonezië dy't dêrop folge.

De nasjonale Ynjebetinking yn Den Haag. - Foto: ANP

De betinking begjint mei in taspraak fan boargemaster Tjeerd van der Zwan. Dêrnei komt in lid fan it Feteraneplatfoarm oan it wurd en wurdt noch in minút stilte hâlden.

Kapitulaasje

Mei de kapitulaasje fan Japan, as gefolch fan de bombardeminten op de stêden Nagasaki en Hiroshima, kaam 73 jier lyn offisjeel in ein oan de Twadde Wrâldoarloch. Yn Nederlân wie de striid trije moannen dêrfoar (op 5 maaie 1945) al ta in ein kaam.

Tjeerd van der Zwan
@VanEgters
Vanavond een waardige Indië-herdenking in @heerenveen Na afloop werden verhalen gedeeld en kreeg ik de Indische geschiedenis van Karel en Marie von Ende van zoon Otto en schrijver Henk de Vries.
15 Augustus 2018 - 21:27
Trefwurden: 
It Hearrenfean Ynjebetinking Nederlânsk-Ynje
Korreksje melde
(Advertinsje)
(Advertinsje)