Alfde oerwinning by frije formaasje foar Van der Bos-en-dy
Gert-Anne van der Bos, Taeke Triemstra en Tjisse Steenstra wûnen sneon yn Seisbierrum en ek snein yn Arum wiene sy de bêsten. It wie alwer de alfde oerwinning foar it partoer dit seizoen. Yn totaal binne der achttjin frije formaasjepartijen keatst.
Yn de finale wie it partoer te sterk foar Marten Bergsma, Pieter Jan Plat en Jan Schurer: 5-1 6-4. Foar Triemstra wie de sege ekstra bysûnder: it wie syn 170ste keatsoerwinning. Teamgenoat Steenstra waard letter op de dei útroppen ta kening.
Oerwinning nûmer alve
Oer dy alfde oerwinningen moat opmurken wurde dat Van der Bos der ien kear net by wie. Dat wie yn Menaam. Johan van der Meulen ferfong him doe.