Alle provinsjale brêgen yn Fryslân sletten fanwegen hjitte

26 jul 2018 - 22:18

Alle provinsjale brêgen yn Fryslân wurde yn ferbân mei de ekstreme hjitte oant neier berjocht net mear betsjinne. De provinsje set tongersdeitejûn útein mei it kuoljen fan de brêgen. Freedtemoarn sil besjoen wurde oft der mooglik wer brêgen iepen kinne.

Foto: Omrop Fryslân, Aise van Beets

Remco Wahle, Provinciale Waterstaat Fryslân

Troch de waarmte sette de brêgen út, wêrtroch't se net mear iepen wolle. Troch it kuoljen hopet de provinsje derfoar te soargjen dat se freed wer iepen kinne.

Net betsjinne

Earder tongersdei waard al dúdlik dat de brêgen by Kiestersyl en Dronryp, de stasjonsbrêge yn Frjentsjer en de brêge Noarder Alde Wei net betsjinne wurde. Dat jildt no dus foar alle provinsjale brêgen.

(advertinsje)
(advertinsje)