Ricardo Floris wint Mar-athon Snits
Ricardo Floris fan Maastricht hat sneontejûn de Mar-athon yn Snits wûn. Syn winnende tiid wie 2:36:05. It twadde plak wie foar Roelof Oostra út Mantgum, dy't mear as trije minuten letter binnenkaam yn 2:39:21. Ferline kear wie Oostra ek twadde, mar no wie hy sa'n 10 minuten flugger as doe. It tredde plak wie foar Willem de Boer, dy't 2:42:50 nedich hie.
It rekôr fan Jan Venhuizen, 2:35:32, bliuwt dus nei de edysje fan 2018 stean. Venhuizen (49) rûn syn 25e maraton en nimt no ôfskied fan de topsport.
By de froulju wie Ylona Kruis fan Ysbrechtum in klasse apart. Kruis wûn yn 3:09:11 en bleaun de konkurrinsje rom foar. Angeli de Koning waard twadde op mear as fjouwer minuten, en dêr wer fjouwer minuten achter einige Anna ter Steege as tredde (3:17:04)
It wie de fjirde kear dat Ylona Kruis mei die oan de Mar-aton. Ferline jier foel se út, mar se pakte earder ek al de titel en in twadde plak.