Fryske fanfares winne twadde en tredde difyzje fan ONFK

14 april 2018, 17:52 • 1 minút lêstiid

Vereniging Fanfare Constantia út Menaam © Akkelien Reitsma

Op de twadde dei fan de Open Nederlandse Fanfare Kampioenschappen (ONFK) binne der yn de tredde en fjirde difyzjes Fryske orkesten winner wurden.

Yn de twadde difyzje einige Vereniging Fanfare Constantia fan Menaam op it earste plak. Dit orkest behelle ûnder lieding fan Paul van Gils mar leafst 91 fan de 100 punten. Earder op de dei waard de tredde difyzje ôfwurke. It heechste oantal punten (91) gie nei De Bazuin fan Stynsgea. Dit orkest stie ûnder lieding fan dirigint Gerk Huisma. Twadde waard Muziekvereniging Stêd Sleat mei dirigint Durk Krol (87 punten).

Komplete útslaggen binne te finen op de webside fan de ONFK. Sneon, fan 19.00 oere ôf, sille sân fanfare-orkesten stride om de heechste ear yn de earste difyzje. Ek dit is live te folgen fia de webside en de app fan Omrop Fryslân.