Auto rekket fan de dyk by De Harkema nei fûle hagelbui
Op de Betonwei by De Harkema hat tongersdeitemoarn in ûngelok west. Troch in hagelbui rekke in autobestjoerder de macht oer it stjoer kwyt, wêrnei't er yn de berm telâne kaam. Ambulânsemeiwurkers hawwe de automobilist kontrolearre, mar dizze hie gjin ferwûningen. De auto rekke swier skansearre troch it ûngelok en is troch in berger fuortsleept.
De provinsje struit tongersdeitemoarn út foarsoarch yn it suden en easten fan de provinsje om eventuele glêdens te bestriden.
