Tresoar krijt 26 meter oan materiaal fan De Tille

19 jannewaris 2018, 18:02 • 1 minút lêstiid

Direkteur Bert Looper fan Tresoar krige in portret fan Sipke Dykstra, oprjochter fan De Tille oerlange. It giet om in wurk fan Sjoerd Dykstra. © Omrop Fryslân, Rene Koster

It argyf fan De Tille is definityf ûnderbrocht by Tresoar. De Tille wie jierrenlang de foaroprinnende boekhannel yn Ljouwert fan de famylje Dykstra. Njonken de boekhannel makke ek in útjouwerij en in antikwariaat diel út fan it ympearium. It argyf fan al dizze ûnderdielen is freedtemiddei offisjeel oerlange oan Tresoar.

Boekhannel De Tille waard in 1948 oprjochte troch Sipke Dykstra (1913-2002), dy't al fan 1936 ôf belutsen wie by Kristlik Frysk Selskip. Yn 1999 waard De Tille ferkocht oan de Boekhandelgroep Nederland (BGN) en krige it noch de nammen Selexyz en Polare oant it bedriuw yn 2014 de doarren definityf ticht dwaan moast. By de oerdracht fan 26 strekkende meter argyfmateriaal krige Tresoar ek noch in portret fan Tille-grûnlizzer Sipke Dykstra, in wurk makke troch de ferneamde keunstner Sjoerd de Vries.