Sjitpartij Dronryp yn Opsporing Verzocht
De sjitpartij yn Dronryp fan ferline wike komt tiisdeitejûn yn it telefyzjeprogramma Opsporing Verzocht. By de sjitterij op de Dotinga Tún yn it doarp rekke in 45-jierrige man slim ferwûne. Tsjûgen seagen twa fertochten mei bivakmûtsen. Dy naaiden út yn in stellen BMW, dy't letter útbrând yn Deinum fûn waard. Moandei hold de plysje in passante-ûndersyk wêrby't minsken befrege waarden. De plysje hat dêrnjonken hûnderten folders útdield mei fragen oer de saak. Se hoopje sa oan tsjûgen te kommen.
